Oxiʼ rubʼanik nqakʼüt chë qakʼuqbʼan qakʼuʼx chrij Jehová

David xchʼakon chrij Goliat rma xkʼuqbʼaʼ rukʼuʼx chrij Jehová (1Sa 17:45). Jehová nrajoʼ yerutoʼ jontir ri rachiʼil (2Cr 16:9). ¿Achkë ütz nqaʼän rchë nqakʼüt chë qakʼuqbʼan qakʼuʼx chrij Jehová y ma chqij ta röj? Tqatzʼetaʼ oxiʼ rubʼanik.

• Chaq taqïl qchʼö rkʼë Jehová. Katzjon rkʼë Dios ma xa xuʼ ta rchë nakʼutuj kuyubʼäl mak che rä, xa kan takʼutuj awchqʼaʼ che rä rchë yakowin napabʼaʼ awiʼ chwäch xa bʼa achkë kʼayewal nukʼüt pä riʼ chawäch (Mt 6:12, 13). Taq xkatzjon rkʼë Jehová, ma xa xuʼ ta taʼij che rä chë katurtoʼ rchë ütz ntel apü chawäch ri achʼobʼon chik naʼän, xa kan taʼij che rä chë katurtoʼ rchë natzʼët achkë ütz naʼän taq majanä tachaʼ achkë naʼän (Snt 1:5).

• Tkʼluj chawä naskʼij chqä nanukʼuj ruwäch le Biblia. Taskʼij ruwäch le Biblia ronojel qʼij (Sl 1:2). Taquʼ kij ri achiʼaʼ chqä ri ixoqiʼ ri yetzjöx chpan chqä tatzʼetaʼ achkë natamaj qa chkij. Chrij riʼ, tasmajij ri naʼoj xatamaj qa (Snt 1:23-25). Ronojel mul tatjoj apü awiʼ taq natzjoj le Biblia y ma chrij ri ataman chik takʼuqbʼaʼ wä akʼuʼx. Y, rchë kan kʼo natamaj qa taq yajeʼ pa qamoloj, kan tatjoj apü awiʼ.

• Tanmaj rutzij rutinamit Jehová. Tasmajij jontir ri nuʼij pä rutinamit Dios (Nú 9:17). Ke riʼ chqä tabʼanaʼ rkʼë ri naʼoj nkiyaʼ ri ukʼwäy taq bʼey chawä (Heb 13:17).

TAQ XATZʼËT YÄN RI VIDEO ¡MA TIXIʼIJ TA IWIʼ TAQ XTYAʼÖX KʼAYEWAL PAN IWIʼ!, KEʼAQʼALAJSAJ RE KʼUTUNÏK REʼ:

• ¿Achkë xbʼanö chë ri qachʼalal ri xeqatzʼët chpan ri video xkixiʼij kiʼ?

• ¿Achkë xtoʼö kichë rchë ma xkixiʼij ta chik kiʼ?