Jontir kʼayewal xa yebʼekʼis

Rkʼë jbʼaʼ nqbʼison taq nqïl jun kʼayewal, más si ma nsolotäj ta yän. David retaman wä chë ri kʼayewal najin nuyaʼ Saúl pa ruwiʼ xa xtbʼekʼis chqä chë xtbʼeʼok na qʼatöy tzij achiʼel wä xuʼij Jehová che rä (1Sa 16:13). David ma xikʼo ta rukʼuʼx xyoʼej chë Jehová xresaj ri kʼayewal chrij rma kan rukʼuqbʼan wä rukʼuʼx chrij.

Taq nqaqʼaxaj jun kʼayewal, tqakanuj rubʼanik rchë nqasöl ri kʼayewal riʼ (1Sa 21:12-14; Pr 1:4). Ye kʼa, kʼo jojun kʼayewal ma yesolotäj ta tapeʼ xqakanuj qanaʼoj chpan le Biblia chqä xqaʼän yän jontir ri kʼo pa qaqʼaʼ rchë yeqasöl. Taq nbʼanatäj riʼ, ma tikʼo ta qakʼuʼx nqayoʼej chë yë Jehová nsolö ri kʼayewal riʼ. Xa jbʼaʼ chik apü, ryä xtresaj äl jontir ri nbʼanö chë nqatäj poqän chqä «xtsuʼ ruyiʼal» ri runaqʼ qawäch (Ap 21:4). Rkʼë jbʼaʼ nq-el chpan jun kʼayewal rma Jehová nbʼanö riʼ o rkʼë jbʼaʼ kʼo chik jun rma, ye kʼa ütz nqayaʼ ya reʼ chwäch qan: jontir kʼayewal xa yebʼekʼis. Ri nqatamaj riʼ kan nukʼuqbʼaʼ qakʼuʼx.

TAQ XATZʼËT YÄN RI VIDEO JUNAN RUBʼANON QAWÄCH TAPEʼ RI WINÄQ KIJACHON KIʼ, KEʼAQʼALAJSAJ RE KʼUTUNÏK REʼ:

• ¿Achkë kʼayewal xkiqʼaxaj ye kʼïy Testigos ri ye kʼo wä pa sur rchë Estados Unidos?

• ¿Achkë rubʼanik xkikʼüt qachʼalal chë kowan xejowan chqä chë ma xikʼo ta kikʼuʼx xkiyoʼej kʼa taq xesolotäj ri kʼayewal?

• ¿Achkë xkiyaʼ más ruqʼij ri qachʼalal riʼ? (Flp 1:10).