Jehová xkaturtoʼ pä taq kʼo kʼayewal xtaqʼaxaj rma majun ta arajil

Rma yoj kʼo chik chkipan ri rukʼisbʼäl taq qʼij, kan kʼayewal rubʼanon qakʼaslemal, y qataman chë ri kʼayewal xa más xkenmatäj. Ya riʼ rkʼë jbʼaʼ nuʼän chë kʼo mul ma xtqïl ta ri nkʼatzin chqë (Hab 3:16-18). ¿Achkë xtqtoʼö rchë ma xtkʼis ta qa ri qakʼuqbʼäl kʼuʼx taq kʼo kʼayewal nqaqʼaxaj rma majun ta qarajil? Ri más rejqalen ri kʼo chë nqayaʼ chwäch qan ya riʼ chë Jehová, ri qa-Dios, kan xtqrtoʼ pä. Ryä rubʼin chë xkeruchajij ri rachiʼil chqä chë xtyaʼ pä ri nkʼatzin chkë (Sl 37:18, 19; Heb 13:5, 6).

¿Achkë ütz naʼän rït?

• Taʼij che rä Jehová chë tkʼutuʼ chawäch achkë ütz naʼän chqä chë katurtoʼ pä (Sl 62:8).

• Ma takʼewaj ta naʼän samaj ri majun bʼëy abʼanon ta (g-S 1/10 8, 9, recuadros).

• Ma tayaʼ ta qa kibʼanik ri kʼo más kejqalen, achiʼel ri naskʼij ruwäch a-Biblia ronojel qʼij, yabʼä chkipan qamoloj chqä natzjoj le Biblia.

TAQ XATZʼËT YÄN RI VIDEO TQAKOWIRSAJ KIKʼUQBʼÄL KʼUʼX RI QA-FAMILIA. KIʼ QAKʼUʼX TQABʼANAʼ RKʼË RI KʼO QKʼË, KEʼAQʼALAJSAJ RE KʼUTUNÏK REʼ:

• ¿Achkë kʼayewal xkiqʼaxaj ri familias ri xeqʼalajin pa video?

• ¿Achkë riʼ ri kʼo más rejqalen chpan qakʼaslemal?

• ¿Achkë rubʼanik yeqatoʼ ri qachʼalal ri kʼo kʼayewal najin nkiqʼaxaj rma majun ta kirajil?