RI QAKʼASLEMAL RÖJ RI CRISTIANOS

¿Xkakowin xtatoʼ awiʼ we nkʼis päq pan atinamit?

Röj ma nsach ta qakʼuʼx taq nqatzʼët chë ri päq chöj majun ta chik rukʼuʼx. ¿Achkë rma manä? Rma yoj kʼo chik pa rukʼisbʼäl chkë ri rukʼisbʼäl taq qʼij. Rma riʼ le Biblia nuʼij chë ma tqakʼuqbʼaʼ ta qakʼuʼx chrij «ri bʼeyomäl, ri komä kʼo ye kʼa chwaʼq majun ta chik» (1Ti 6:17; 2Ti 3:1). ¿Achkë rubʼanik nqrtoʼ ri xuʼän ri qʼatöy tzij Jehosafat rchë nqaʼän apü ri najowatäj rchë xtqkowin xtqatoʼ qiʼ we nkʼis päq pa qatinamit?

Taq Jehosafat xekatäj pä rukʼulel chrij, ryä xkʼuqbʼaʼ rukʼuʼx chrij Jehová (2Cr 20:9-12). Ryä chqä kʼo xuʼän apü rchë xköl ri tinamït Israel, achiʼel xeruyäk kowiläj taq jay chqä xerutjoj apü ri soldados (2Cr 17:1, 2, 12, 13). Röj chqä ütz nqakʼuqbʼaʼ qakʼuʼx chrij Jehová chqä nqaʼän apü ri najowatäj rchë xtqkowin xtqatoʼ qiʼ taq xkepë kʼayewal chqij.

¿ACHKË ÜTZ NQAʼÄN APÜ RCHË XTQKOWIN XTQATOʼ QIʼ WE NKʼIS PÄQ PA QATINAMIT?

Takowirsaj ri awachbʼilanïk rkʼë Jehová. Tatamaj kiʼ akʼuʼx naʼän rkʼë ri kʼo awkʼë chqä takʼuqbʼaʼ akʼuʼx chrij Jehová chë nkowin nuyaʼ pä ri achkë nkʼatzin chawä (Mt 6:26; 1Ti 6:8). Tayaʼ chwäch awan ma naqʼäj ta rutzij, tapeʼ kan nkʼatzin arajil (Ro 2:21). Taquʼ apü achkë rubʼanik xtaskʼij ruwäch a-Biblia chqä ri publicaciones we nbʼä luz o internet. Rkʼë jbʼaʼ ütz nakʼöl jojun publicaciones ri bʼanon chwäch wuj chqä we ütz nuʼän, tabʼanaʼ descargar jojun publicaciones chpan a-dispositivo.

Tabʼanaʼ apü ri najowatäj. Tatjaʼ aqʼij rchë nqä pä akʼas chqä ma chaq tatzʼlaʼ ta arajil loman ma kan ta kʼayewal rubʼanon chawäch nawïl arajil (Pr 22:7). We ütz nuʼän, takʼoloʼ qa jbʼaʼ wäy ri ma chanin ta nchaʼ chiʼ chqä jojun chik ri yekʼatzin chawä. Ye kʼo jojun nkiʼän jbʼaʼ kitkoʼn rchë ma nkisäch ta más kirajil.

TAQ XATZʼËT YÄN RI VIDEO ¿ATAMAN CHIK RÏT ACHKË XTAʼÄN TAQ CHAQ KʼATEʼ XTBʼANATÄJ JUN KʼAYEWAL?, KEʼAQʼALAJSAJ RE KʼUTUNÏK REʼ:

Jun achbʼäl ri nqʼalajin chpan ri video «¿Ataman chik rït achkë xtaʼän taq chaq kʼateʼ xtbʼanatäj jun kʼayewal?». Rachbʼäl jun Biblia, jun mochila ri kʼo ronojel ri nkʼatzin chpan y jun celular, y winäq ri najin nkiyäk jun jay.

¿Achkë ütz naʼän apü rchë xkakowin xtatoʼ awiʼ taq nbʼanatäj jun kʼayewal?

Your answer

Jun achbʼäl ri nqʼalajin chpan ri video «¿Ataman chik rït achkë xtaʼän taq chaq kʼateʼ xtbʼanatäj jun kʼayewal?». Chpan ri achbʼäl yeqʼalajin jojun qachʼalal ri najin yekitoʼ ri nkʼaj chik rma xbʼanatäj jun kʼayewal chpan kitinamit. Ye kʼo jojun najin yekiyäk jay y jojun chik najin yekiqasaj jojun cajas chpan jun chʼichʼ.

¿Achkë ütz naʼän apü rchë xkakowin xkeʼatoʼ ri nkʼaj chik?

Your answer