¿Ataman chik rït achkë xtaʼän rchë xtatoʼ awiʼ chwäch jun kʼayewal?

Rma yoj kʼo chik chkipan ri rukʼisbʼäl taq qʼij, ri winäq más chaq taqïl xkekatäj rchë xkechʼojin, más itzelal xtjeʼ chqä más chʼaʼoj xkebʼanatäj (Ap 6:4). ¿Achkë ütz nqaʼän apü rchë xtqkowin xtqatoʼ qiʼ chkiwäch re kʼayewal reʼ?

• Takowirsaj apü ri akʼuqbʼäl kʼuʼx. Kachʼobʼon chkij naʼoj chqä tzʼetbʼäl ri ye kʼo chpan le Biblia ri xkatkitoʼ rchë xtakʼuqbʼaʼ más akʼuʼx chrij Jehová chqä chrij rutinamit, y rchë ma xtatïtzʼ ta awiʼ chpan ri yekiʼän ri winäq (Pr 12:5; jr-S 125, 126 peraj 23, 24). Chqä nkʼatzin chë kan komä más junan nuʼän awäch kikʼë ri qachʼalal pa congregación (1Pe 4:7, 8).

• Tatzʼetaʼ achkë nkʼatzin naʼän apü. Tayakaʼ qa jojun rukïl wäy chqä taquʼ apü achkë xtaʼän we nkʼatzin yatzʼapeʼ chawachoch. Chqä taquʼ apü akuchï xkabʼä wä we xtkʼatzin xkatel äl chawachoch. Tatzʼetaʼ we chpan a-mochila kʼo jontir ri xtkʼatzin chawä y ma tamestaj ta nayaʼ äl päq, mascarillas, guantes y nkʼaj chik ri xtkʼatzin chawä. Tayaʼ a-número de teléfono chkë ri ukʼwäy taq bʼey y tjeʼ ki-número ryeʼ awkʼë (Is 32:2; g17.5-S 3-7).

Taq nbʼanatäj chʼaʼoj rma ri winäq yechʼojin, ma tayaʼ ta qa rubʼanik ri naʼän ronojel mul rchë nayaʼ ruqʼij Jehová (Flp 1:10). Ma katel ta äl chawachoch we ma nkʼatzin ta (Mt 10:16). Tayaʼ ri kʼo awkʼë chkë ri nkʼaj chik (Ro 12:13).

TAQ XATZʼËT YÄN RI VIDEO ¿ATAMAN CHIK RÏT ACHKË XTAʼÄN TAQ CHAQ KʼATEʼ XTBʼANATÄJ JUN KʼAYEWAL?, KEʼAQʼALAJSAJ RE KʼUTUNÏK REʼ:

• ¿Achkë rubʼanik nqrtoʼ Jehová taq chaq kʼateʼ nbʼanatäj jun kʼayewal?

• ¿Achkë ütz nqaʼän apü rchë xtqkowin xtqatoʼ qiʼ chwäch jun kʼayewal?

• ¿Achkë rubʼanik yeqatoʼ ri nkʼaj chik?