Tqatzʼetaʼ achkë nkʼatzin nqaʼän apü rma ya xa nbʼekʼis ri «rukʼisbʼäl taq qʼij»

Rma ya xa nbʼekʼis ri «rukʼisbʼäl taq qʼij», ri kʼayewal xa más xkekʼiyär (2Ti 3:1; Mt 24:8). Ri rutinamit Jehová chaq taqïl nuyaʼ pä qanaʼoj ri nqrtoʼ taq nbʼanatäj jun qʼeqäl jöbʼ, jun mamaʼ slonel o xa bʼa achkë na chik jun kʼayewal. Röj xtqkowin xtqaköl qa qiʼ we kan komä xtqatzʼët achkë ütz nqaʼän taq nbʼanatäj jun chkë ri kʼayewal riʼ, chqä we xtqakowirsaj apü ri qakʼuqbʼäl kʼuʼx (Lu 16:10).

• Takowirsaj apü ri akʼuqbʼäl kʼuʼx. Tatjaʼ aqʼij rchë chaq taqïl naskʼij ruwäch a-Biblia chqä rchë natjoj awiʼ chrij. Chqä tatjaʼ aqʼij rchë jalajöj rubʼanik natzjoj le Biblia. We rma nbʼanatäj jun kʼayewal ma ütz ta chik namöl awiʼ kikʼë ri qachʼalal, ma tsach ta akʼuʼx (Is 30:15). Tayaʼ chwäch awan chë Jehová chqä Jesús majun bʼëy xkatkiyaʼ qa ayonïl (od-S 175, 176 peraj 15-17).

• Tatzʼetaʼ achkë nkʼatzin naʼän apü. Nkʼatzin jun a-mochila ri kʼo ronojel chpan ri xtkʼatzin chawä. Chqä ri familias kʼo ta chë nkiyäk qa rukïl wäy, yaʼ, aqʼon chqä nkʼaj chik ri xtkʼatzin chkë we kʼo chë yetzʼapeʼ chkachoch kʼïy tiempo (Pr 22:3; g17.5-S 4, 6).

TAQ XATZʼËT YÄN RI VIDEO RI ÜTZ NQAʼÄN TAQ NBʼANATÄJ JUN QʼEQÄL JÖBʼ, JUN MAMAʼ SLONEL O XA BʼA ACHKË CHIK NA JUN, KEʼAQʼALAJSAJ RE KʼUTUNÏK REʼ:

• 

  ¿Achkë rubʼanik nqakowirsaj apü qakʼuqbʼäl kʼuʼx we nbʼanatäj jun qʼeqäl jöbʼ, jun mamaʼ slonel o xa bʼa achkë na chik jun kʼayewal?

• 

  ¿Achkë rma janina rejqalen chë...

  • ... nqayaʼ qa-número de teléfono chkë ri ukʼwäy taq bʼey?

  • ... nqaʼän apü rubʼanik ronojel ri xkekʼatzin chqë?

  • ... nqtzjon chkij ri jalajöj kiwäch kʼayewal ri rkʼë jbʼaʼ xkebʼanatäj chqä nqaquʼ rij achkë ütz xtqaʼän?

• 

  ¿Achkë oxiʼ rubʼanik ütz yeqatoʼ ri nkʼaj chik?

TQAKʼUTUJ QA REʼ CHQAWÄCH: «¿Achkë rubʼanik rukʼutun ri COVID-19 chi nwäch chë kan kʼo rejqalen ntzʼët apü achkë nkʼatzin chwä?».