¿Ataman chik achkë ütz naʼän?

We nbʼanatäj ta jun qʼeqäl jöbʼ o xa bʼa achkë chik na jun pa atinamit, ¿ataman chik achkë ütz naʼän? Ri mamaʼ taq slonel, ri qʼeqäl taq jöbʼ, ri yekʼat mamaʼ taq juyuʼ o xa bʼa achkë chik na jun, kowan yekitzʼlaʼ qa ri winäq. Chqä ye kʼo itzel taq winäq ri yekikamsaj ye kʼïy, ye kʼo ri xa xuʼ nkitïk chʼaʼoj chqä ye kʼo jalajöj kiwäch yabʼil chwäch ronojel le Ruwachʼulew. Ronojel riʼ ma nqanaʼej ta ajän yebʼanatäj (Ec 9:11). Rma riʼ, ma tqaquʼ ta chë majun bʼëy xkebʼanatäj ta riʼ pa qatinamit röj.

Jontir röj nkʼatzin nqatamaj achkë ütz nqaʼän taq nbʼanatäj jun kʼayewal (Pr 22:3). Tapeʼ ri rutinamit Jehová nuyaʼ toʼïk taq nbʼanatäj jun qʼeqäl jöbʼ, jun mamaʼ slonel o xa bʼa achkë chik na jun, reʼ ma ntel ta chë tzij chë röj ma nkʼatzin ta nqatamaj achkë ütz nqaʼän we yebʼanatäj ri kʼayewal riʼ (Gál 6:5).

TAQ XATZʼËT YÄN RI VIDEO RI ÜTZ NQAʼÄN TAQ NBʼANATÄJ JUN QʼEQÄL JÖBʼ, JUN MAMAʼ SLONEL O XA BʼA ACHKË CHIK NA JUN, KEʼAQʼALAJSAJ RE KʼUTUNÏK REʼ:

• 

  ¿Achkë rubʼanik nqrtoʼ ri qachbʼilanïk rkʼë Jehová taq nbʼanatäj jun qʼeqäl jöbʼ, jun mamaʼ slonel o xa bʼa achkë chik na jun?

• 

  ¿Achkë rma janina rejqalen...

  • • ... chë nqtzjon kikʼë ri ukʼwäy taq bʼey taq majanä nbʼanatäj, chpan o taq xqʼax yän qa jun qʼeqäl jöbʼ, jun mamaʼ slonel o xa bʼa achkë chik na jun?

  • • ... chë nqaʼän apü rubʼanik ronojel ri xkekʼatzin chqë? (g17.5-S 6).

  • • ... chë nqtzjon chkij ri jalajöj kiwäch kʼayewal ri rkʼë jbʼaʼ xkebʼanatäj chqä nqaquʼ achkë ütz xtqaʼän?

• 

  ¿Achkë oxiʼ rubʼanik yeqatoʼ ri nkʼaj chik taq nbʼanatäj jun qʼeqäl jöbʼ, jun mamaʼ slonel o xa bʼa achkë chik na jun?