¿Achkë rubʼanik nqtoʼon taq nbʼanatäj jun mamaʼ kʼayewal?

Pa qaqʼij komä, kan más na chik najin yebʼanatäj qʼeqäl taq jöbʼ, mamaʼ taq slonel o nkʼaj chik kʼayewal achiʼel reʼ. Taq nbʼanatäj jun chkë ri kʼayewal riʼ, ri samaj nbʼan rchë yetoʼöx ri qachʼalal kʼo chë kan pa rubʼeyal nbʼan che rä. Rma riʼ ri Molaj Ukʼwäy Bʼey rubʼin chë chkipan jontir sucursales kʼo chë njeʼ jun Departamento de Labores de Socorro.

Taq ri qachʼalal ri ye kʼo chpan re departamento reʼ nkitamaj chë xbʼanatäj jun mamaʼ kʼayewal, kan chanin yekiskʼij äl ri ukʼwäy taq bʼey ri ye kʼo akuchï xbʼanatäj wä ri kʼayewal riʼ rchë nkikʼutuj chkë achkë nkʼatzin chkë ri publicadores. We kan jun nüm kʼayewal xbʼanatäj y ri publicadores kan nkʼatzin kitoʼik, ri sucursal xkeruchaʼ jojun qachʼalal rchë xkekitoʼ ri publicadores riʼ. Ri qachʼalal riʼ rkʼë jbʼaʼ xtkikʼutuj achkë nkajoʼ yetoʼon o xtkikʼutuj tzyäq, rukïl taq wäy o xa bʼa achkë na chik jun ri xtkʼatzin. Y, rkʼë jbʼaʼ kan yë ryeʼ xkeloqʼö jontir riʼ rchë xtkijäch chkë qachʼalal.

Kʼo kʼïy rma ri ke reʼ rubʼanik nbʼan che rä ri samaj. Jojun rma ya riʼ chë ntoʼon rchë ma ye kʼïy ta qachʼalal yeʼapon taq ma kʼïy ta samaj nkʼatzin nbʼan, rchë ma nsuqʼutäj ta kisamaj o rchë ma chaq ntzʼil-öx ta ri päq o nkʼaj chik ri yekʼatzin; ya riʼ rkʼë jbʼaʼ nbʼanatäj taq ri qachʼalal pa kiyonïl nkajoʼ yetoʼon.

Ri qachʼalal ri yechaʼöx rma ri sucursal nkitzʼët jaruʼ päq xtkʼatzin chqä jaruʼ qachʼalal xtkʼatzin xketoʼon. Chqä rkʼë jbʼaʼ xketzjon kikʼë ri qʼatbʼäl taq tzij chpan ri tinamït, rma kʼïy mul ryeʼ yojkitoʼ rchë chanin nqayaʼ kitoʼik qachʼalal. Rma riʼ, we ma nkʼutüx ta chawä, tabʼanaʼ utzil, ma tamöl ta kchaj, ma tataqaʼ ta äl ri nkʼatzin chkë qachʼalal ri xkïl jun mamaʼ kʼayewal chqä ma kabʼä ta chpan ri tinamït riʼ.

Kantzij na wä chë röj, rma kowan yeqajoʼ qachʼalal, nqajoʼ yeqatoʼ taq nkïl jun mamaʼ kʼayewal (Heb 13:16). Rma riʼ, ¿achkë ütz nqaʼän? Ri kʼo más ruqʼij ya riʼ nqchʼö rkʼë Jehová pa kiwiʼ ri qachʼalal riʼ chqä pa kiwiʼ ri qachʼalal ri najin yekitoʼ. Chqä ütz nqayaʼ qakchaj. Ri sucursales, ri yë ri Molaj Ukʼwäy Bʼey kʼo pa kiwiʼ, kitaman achkë más ütz rubʼanik o akuchï nkiksaj wä qakchaj. Y, si röj nqajoʼ nqtoʼon kikʼë qachʼalal ri yebʼä chkitoʼik ri xkïl jun mamaʼ kʼayewal, tqanujsaj ri Solicitud de voluntario local de diseño y construcción (DC-50).

TAQ XATZʼËT YÄN RI VIDEO RI WINÄQ AJ BRASIL NTOK YAʼ PA KACHOCH, KEʼAQʼALAJSAJ RE KʼUTUNÏK REʼ:

¿Achkë más xqä chawäch rït chrij ri xkiʼän ri testigos de Jehová chlaʼ Brasil pa 2020?