RI QAKʼASLEMAL RÖJ RI CRISTIANOS
Tatzʼetaʼ na achkë nuquʼ Jehová
Rma nqajoʼ chë Jehová kiʼ rukʼuʼx nuʼän qkʼë, kʼo chë nqatzʼët na we ri nqaʼän nqä chwäch ryä o manä, yajün taq majun ta jun pixaʼ ri nuʼij achkë kʼo chë nqaʼän (Pr 27:11). ¿Achkë xtqtoʼö rchë xtqaʼän riʼ?
Ri xtqanukʼuj ruwäch le Biblia ronojel qʼij. Taq nqaskʼij ruwäch le Biblia, achiʼel ta najin nqayaʼ qaxkïn che rä Jehová. Taq nqatzʼët achkë runaʼoj xuʼän rkʼë rutinamit chqä taq nqaquʼ rij ri ütz chqä ri ma ütz ta xkiʼän ri winäq ri yetzjöx chpan le Biblia, ya riʼ xtqrtoʼ rchë xtqatamaj achkë rubʼanik nchʼobʼon Jehová. Ke riʼ, taq kʼo jun xtkʼatzin xtqaʼän, ri loqʼoläj ruchqʼaʼ ryä xtuʼän chë xkenatäj pä naʼoj chqë ri qataman pä chpan Ruchʼaʼäl Dios (Jn 14:26).
Ri xtqakanuj más qanaʼoj. Taq kʼo jun xtkʼatzin xtaʼän, naʼäy takʼutuj qa reʼ chawäch: «¿Achkë versículos ye kʼo chpan le Biblia yinkitoʼ rchë ntamaj achkë nuquʼ Jehová chrij ri nwajoʼ nbʼän?». Takʼutuj atoʼik che rä Jehová chqä taksaj ri samajbʼäl yaʼon pä chqë ri kʼo pa qachʼaʼäl ri xkatkitoʼ rchë nawïl chqä rchë nasmajij ri naʼoj ri ye kʼo chpan le Biblia ri yekʼatzin chawä (Sl 25:4).
TAQ XATZʼËT YÄN RI VIDEO TQAKʼAQAʼ ANIN RKʼË KOCHʼONÏK: KAN PA RUBʼEYAL TQATZQUʼ QIʼ CHRIJ RUCHʼAʼÄL DIOS, KEʼAQʼALAJSAJ RE KʼUTUNÏK REʼ:
¿Achkë kʼayewal najin nuqʼaxaj ri qʼopoj chpan ri video?
¿Achkë rubʼanik yatkitoʼ ri qasamajbʼal yaʼon pä rchë yaqʼax chkiwäch kʼayewal achiʼel xqʼaxaj ryä?
Taq kʼo jun nkʼatzin nqaʼän, ¿achkë rubʼanik nqrtoʼ ri nqajäm qawäch rchë nqatjoj qiʼ chrij le Biblia? (Heb 5:13, 14).