Rït yakowin yatoʼon rchë ri a-familia más kiʼ kikʼuʼx nkiʼän

Jehová nrajoʼ chë ri familias kiʼ kikʼuʼx nkiʼän (Sl 127:3-5; Ec 9:9; 11:9). Ye kʼa, kʼo mul, rma nchʼpü qakʼuʼx o kʼo jun akuchï nqsach wä, ri qa-familia ma kiʼ ta chik kikʼuʼx nkiʼän. Rma riʼ, ¿achkë nkʼatzin nuʼän jun familia rchë jontir kiʼ kikʼuʼx nkiʼän pa kachoch?

Jun utziläj achï nuyaʼ ruqʼij rixjayil (1Pe 3:7). Nujäm ruwäch rchë njeʼ rkʼë, ma nqʼax ta ruwiʼ ri nukʼutuj che rä chqä nutyoxij jontir ri nuʼän rixjayil rchë nuchajij ryä chqä ru-familia (Col 3:15). Chqä, nuʼij che rä chë kowan nrajoʼ y nuloqʼoqʼej jontir ri nuʼän (Pr 31:28, 31).

Jun utziläj ixöq ronojel mul nutäj ruqʼij rchë nutoʼ rachjil (Pr 31:12). Nunmaj rutzij chqä nutoʼ rkʼë ri nuchaʼ nuʼän (Col 3:18). Kan jaʼäl rubʼanik ntzjon rkʼë chqä ütz ntzjon chrij chkiwäch ri nkʼaj chik (Pr 31:26).

Ri utziläj taq teʼej tataʼaj nkijäm kiwäch rchë yejeʼ kikʼë kalkʼwal (Dt 6:6, 7). Nkiʼij chkë che kowan yekajoʼ (Mt 3:17). Chqä, kitaman ajän y achkë rubʼanik yekiqʼïl; ma nqʼax ta ruwiʼ yekichʼäy o ri rubʼanik yetzjon kikʼë (Ef 6:4).

Ri ütz taq akʼalaʼ nkinmaj kitzij kiteʼ kitataʼ chqä nkiyaʼ kiqʼij (Pr 23:22). Nkiʼij chkë achkë nkiquʼ chqä achkë nkinaʼ; nkinmaj tzij taq yeqʼil chqä ma nkiqasaj ta kiqʼij (Pr 19:20).

TAQ XATZʼËT YÄN RI VIDEO ¿ACHKË RUBʼANIK NQÏL KIʼKʼUXLAL PA QACHOCH?, KEʼAQʼALAJSAJ RE KʼUTUNÏK REʼ:

¿Achkë xkiʼän ri familia rchë xetoʼon rchë más kiʼ kikʼuʼx xkiʼän?