Taksaj ri naʼäy página rchë qa-sitio jw.org rchë natzjoj le Biblia

Chpan ri naʼäy página rchë qa-sitio jw.org yeyaʼon jojun peraj chqä videos rchë ri winäq nkiskʼij ruwäch chqä yekitzʼët (Hch 13:48). Chriʼ yeyaʼöx jojun naʼoj ri kikʼwan kiʼ rkʼë ri yeʼel pa taq noticias o rkʼë ri nkajoʼ nkitamaj ri winäq.

¿Achkë rubʼanik naksaj ri naʼäy página rchë qa-sitio jw.org rchë natzjoj le Biblia?

• Chaq taqïl tatzʼetaʼ achkë yejotobʼäx pa qa-sitio. Tatzʼetaʼ jontir ri ye kʼo chpan ri peraj «Ri ütz natzʼët» y taquʼ achkë rubʼanik xkeʼaksaj taq xtatzjoj le Biblia (rchë natzʼët achkë más naʼoj xeyaʼöx pa qa-sitio, tabʼanaʼ clic chrij ri peraj «Rchë natzʼët más»). ¡Xtawïl ütz taq naʼoj ri xkaturtoʼ rchë más ütz rubʼanik xtatzjoj le Biblia!

• Taksaj ri naʼoj chqä ri videos ri ye kʼo pa qa-sitio rchë nachäp atzij kikʼë ri winäq. Reʼ xkaturtoʼ rchë xtatamaj achkë nkiquʼ chqä achkë nkajoʼ nkitamaj ri winäq.

• Takʼutuʼ ri naʼäy página rchë qa-sitio chkiwäch ri winäq. Tayaʼ kejqalen jojun peraj ri ye kʼo chpan chqä takʼutuʼ achkë rubʼanik nawïl más naʼoj chpan.

• Tataqaʼ äl enlaces. Ye kʼo jojun winäq ma nqä ta chkiwäch yetzjon qkʼë, ye kʼa nkajoʼ yeʼok chpan qa-sitio pa internet. Rma riʼ ütz natäq äl chkë ri winäq ri nkajoʼ nkitamaj más chrij le Biblia jun enlace rchë qa-sitio, rchë jun video o rchë xa bʼa achkë chik jun naʼoj.