Ri nkʼaj chik tzijonem ri yepë chpan ri qawuj Ri Chajinel
Ye kʼïy qachʼalal nkiksaj ri aplicación JW Library® rchë nkitjoj kiʼ chkij ri qamoloj. Ryeʼ qajnäq chkiwäch chë yekowin nkichaʼ achkë tjonïk rchë ri qawuj Ri Chajinel nkitjoj kiʼ chrij. Ye kʼa, kʼïy mul, ri qawuj Ri Chajinel (rchë tjonïk) yerukʼäm pä nkʼaj chik tzijonem ri yojkitoʼ chqä rchë más junan nuʼän qawäch rkʼë Jehová. Kantzij na wä chë rït kan nawajoʼ naskʼij kiwäch jontir ri tzijonem riʼ. Ye kʼa, ¿achkë rubʼanik xkeʼawïl?
Pa rukʼisbʼäl che rä ri tjonïk ri najin natjoj awiʼ chrij, nqʼalajin pä ri tzij «Otros artículos» y chuxeʼ «Contenido de este número». We napïtzʼ chrij riʼ, xtqʼalajin pä jontir ri kʼo pä chpan ri revista riʼ. Xkeqʼalajin pä ri tjonïk, ri kʼo pä ki-número chqä ri nkʼaj chik tzijonem. Tachaʼ achkë nawajoʼ naskʼij ruwäch y tapitzʼaʼ chrij rubʼiʼ.
Chqä, ütz natzʼët ri peraj «Lo nuevo» ri kʼo pä pa naʼäy che rä JW Library y naʼän descargar ri wuj Ri Chajinel (rchë tjonïk) ri xa kʼa riʼ xel pä. Katok chpan ri revista ri xaʼän descargar y tatzʼetaʼ ri peraj akuchï kʼo wä kibʼiʼ jontir ri petenäq chpan ri revista riʼ rchë majun ta jun ri ma ta xtaskʼij ruwäch.