Tqajamaʼ qawäch rchë yeqatzʼët ri achbʼäl

Chpan qapublicaciones ye kʼo kʼïy achbʼäl ri yojkitoʼ rchë nnatäj chqë achkë naʼoj kʼo más kiqʼij. ¿Achkë ütz nqaʼän rchë kʼo naʼoj nqatamaj qa chkij ri achbʼäl?

• Taq xtaskʼij jun artículo, naʼäy keʼatzʼetaʼ ri achbʼäl. Rkʼë jbʼaʼ ya riʼ xtbʼanö chawä chë kan xtuʼij riʼ awan xtaskʼij ri artículo riʼ. Taq röj nqwaʼ, naʼäy nqatzʼët achkë rkïl wäy nqatäj. Ke riʼ chqä nkʼatzin nqaʼän taq ya nqatjoj qiʼ chrij Rchʼaʼäl Dios, naʼäy nkʼatzin nqaquʼ rij ya reʼ: «¿Achkë najin ntzʼët?» (Amós 7:7, 8).

• Taq najin chik naskʼij ri artículo, taquʼ achkë rma xyaʼöx pä ri achbʼäl riʼ chpan. We kʼo tzij rkʼamon pä ri achbʼäl, taskʼij achkë nuʼij. Tatjaʼ aqʼij rchë nqʼax chawäch achkë rbʼanik rkʼwan riʼ ri achbʼäl rkʼë ri artículo y achkë natamaj qa chrij.

• Taq xtakʼïs xtaskʼij ri artículo, keʼatzʼetaʼ ri achbʼäl rchë nakamluj kitzʼetik ri naʼoj ri kʼo más kiqʼij. Chrij riʼ, tatzʼapij awäch y tatjaʼ aqʼij rchë yenatäj ri achbʼäl chawä chqä ri naʼoj xatamaj qa chkij.

• Jun ri ütz naʼän, ya riʼ natzʼët chik jmul ri achbʼäl ri ye kʼo chpan re revista reʼ y natäj aqʼij rchë nnatäj chawä achkë xatamaj qa chkij.