Ri científicos nkiʼän adelantar ri Reloj rchë ri Juicio Final | ¿Achkë nuʼij le Biblia chrij riʼ?

Ri 24 de enero rchë ri junaʼ 2023, ri científicos xkiʼij chë ri Reloj rchë ri Juicio Finala ya más naqaj kʼo wä chik che rä ri nkʼäj aqʼaʼ, ntel chë tzij, ri qʼij taq xtchuptäj ruwäch le Ruwachʼlew.

• «Re martes reʼ, ri Reloj rchë ri Juicio Final, ri nukʼambʼej tzij ri mamaʼ taq kʼayewal najin nkiqʼaxaj ri winäq, más naqaj kʼo wä chik che rä ri nkʼäj aqʼaʼ rma ri chʼaʼoj najin nbʼanatäj Ucrania, rma rkʼë jbʼaʼ xtchapatäj jun chʼaʼoj ri akuchï ruyon bombas atómicas xkeksäx y rma le Ruwachʼlew kan kowan najin nchaʼ chiʼ» (Servicio internacional de noticias de la agencia AFP).

• «Ri científicos xkiʼij re martes reʼ chë xkiʼän adelantar ri Reloj rchë ri Juicio Final. Ryeʼ xkiʼij chë xa 90 segundos chik nrajoʼ rchë nuʼän nkʼäj aqʼaʼ. Majun bʼëy bʼanatajnäq ta chë xa jbʼaʼ chik nrajoʼ rchë ri winäq nchuptäj kiwäch» (ABC News).

• «Jun molaj científicos ri jalajöj kitinamit nkiʼij chë ri winäq xa jbʼaʼ nrajoʼ rchë nchuptäj kiwäch. Reʼ majun bʼëy bʼanatajnäq ta, kʼa komä» (The Guardian).

¿Kantzij komä chë xa jbʼaʼ chik nrajoʼ rchë nchuptäj kiwäch ri winäq chqä le Ruwachʼlew? ¿Kʼo komä rma nqaxiʼij qiʼ chwäch ri xkebʼanatäj chqawäch apü? ¿Achkë nuʼij le Biblia chrij riʼ?

¿Achkë ütz nqayoʼej chë xkebʼanatäj chqawäch apü?

Le Biblia nuʼij chë «le Ruwachʼlew majun bʼëy xtchup ta ruwäch» chqä chë xkejeʼ winäq ri «majun bʼëy xkesäx ta äl chwäch» (Eclesiastés 1:4; Salmo 37:29). Reʼ nukʼüt chë ri winäq ma xtkichüp ta ruwäch le Ruwachʼlew nixta xtkiʼän chë majun ta chik jun ri ütz njeʼ chwäch.

Ye kʼa le Biblia nuʼij chë kʼo ri xtchup ruwäch. Chriʼ nuʼij chë «le Ruwachʼlew xa najin nqʼaxan äl» (1 Juan 2:17).

• We nawajoʼ natamaj achkë nuʼij le Biblia chrij ri achkë xtchup ruwäch, taskʼij ruwäch ri peraj «¿Ya nchup komä ruwäch le Ruwachʼlew? ¿Nukʼüt komä ya riʼ le Biblia?».

• Rchë natzʼët achkë nuʼij le Biblia chrij ri achkë más qayoʼen chë xkebʼanatäj chqawäch apü taskʼij ruwäch ri peraj «¿Cuándo será el fin del mundo?».

Ma tayaʼ ta qʼij chë ri najin yebʼanatäj nkiʼän chë yabʼison

Le Biblia nqrtoʼ rchë kiʼ qakʼuʼx nqaʼän tapeʼ kan kʼïy kʼayewal najin yebʼanatäj chwäch le Ruwachʼlew. ¿Achkë rubʼanik nuʼän riʼ?

• Le Biblia yeruyaʼ utziläj taq naʼoj chqë (2 Timoteo 3:16, 17). Tqatzjoj jun chkë riʼ. We nawajoʼ natamaj achkë rubʼanik yaturtoʼ le Biblia rchë kiʼ akʼuʼx naʼän tapeʼ kʼo kʼayewal najin yeʼaqʼaxaj, taskʼij ruwäch ri peraj «Qué puedo hacer para no preocuparme tanto».

• Le Biblia chqä nuʼij chë kʼo ütz qayoʼen apü (Romanos 15:4). Chöj nuʼij chqë achkë ütz nqayoʼej chë xkebʼanatäj komä chqä chqawäch apü, y ya riʼ nqrtoʼ rchë ma nqaxiʼij ta qiʼ tapeʼ xa bʼa achkë nbʼanatäj chwäch le Ruwachʼlew.

Rchë kan kʼïy anaʼoj nawesaj qa chrij le Biblia, nqajoʼ chë kan komä natzʼët achkë rubʼanik yeqatjoj ri winäq chrij le Biblia.