NA’OJ 10

Ri rubʼanik najäl achʼaʼäl taq yatzjon o naskʼij ruwäch wuj

Proverbios 8:4, 7

RI NTEL CHË TZIJ: Natamaj ajän naqasaj y najtobʼaʼ ruchqʼaʼ ri achʼaʼäl, ajän najalalaʼ rubʼanik ri achʼaʼäl chqä ajän yatzjon chanin o eqal. Riʼ xtuʼän chë ri winäq xtqʼax chkiwäch chqä kan xtkinaʼ ri naʼij chkë.

RI RUBʼANIK NASMAJIJ

Taqasaj y tajtobʼaʼ ruchqʼaʼ ri achʼaʼäl. Tajtobʼaʼ ruchqʼaʼ ri achʼaʼäl taq natzjoj jun naʼoj ri kʼo rejqalen, taq nawajoʼ nsmajïx ri naʼij apü y taq naskʼij apü jun kʼayewal ri nuyaʼ Dios pa kiwiʼ ri itzel taq winäq. Ye kʼa, taqasaj ruchqʼaʼ ri achʼaʼäl rchë naʼän chë ri winäq nkajoʼ nkitamaj más o taq natzjoj jun naʼoj ri nuyaʼ xbʼin-ïl o jun naʼoj ri nuʼän chë nachʼujirsaj awiʼ.

Ma ütz ta chë chaq taqïl najtobʼaʼ ruchqʼaʼ ri achʼaʼäl, riʼ xa xtuʼän chkë ri winäq xtkinaʼ chë xa najin yachapon chkë. Chqä ma taräq ta achï nixta kan lawaloʼ eqal katzjon, ke riʼ ri winäq ma chawij ta rït xtbʼä wä kikʼuʼx.
Tajalalaʼ rubʼanik ri achʼaʼäl. Más bʼaʼ nüm tabʼanaʼ che rä achʼaʼäl taq nawajoʼ nakʼüt kiʼkʼuxlal o taq yeʼatzjoj achkë jun chqä naʼij chë nüm o koʼöl, o näj o naqaj kʼo wä. Taqasaj jbʼaʼ achʼaʼäl taq yatzjon chrij jun naʼoj rchë bʼis o rchë quʼuj.
Katzjon chanin o eqal. Más chanin katzjon we nawajoʼ chë ri winäq kan ntel kikʼuʼx rkʼë ri naʼij apü. Ye kʼa eqal katzjon taq nakʼüt jun naʼoj ri kan kʼo rejqalen.

Ma chaq kʼateʼ ta tajäl ri achʼaʼäl, rma we xtaʼän riʼ xa xkeʼaxiʼij ri yekʼoxan awchë. Rchë chë ütz yekʼaxatäj qa ri tzij yeʼaʼij ma kan ta chanin katzjon.