NA’OJ 4

Ri ütz naʼij apü taq ya naskʼij jun texto bíblico

Mateo 22:41-45

RI NTEL CHË TZIJ: Yeʼatoʼ ri yekʼoxan awchë rchë nkiyaʼ kixkïn chkë ri textos ri xkeʼaskʼij apü.

Tjeʼ pa ajolon achkë rma naskʼij ri texto. Taq ya naskʼij apü jun texto, taʼij jun o kayoxiʼ tzij rchë yeʼatoʼ ri yekʼoxan awchë, ke riʼ nqʼalajin chkiwäch achkë naʼoj nawajoʼ nayaʼ rejqalen.

Ma tamestaj natzʼët ri contexto. Taʼij achkë xbʼin ri naskʼij apü, achkë rubʼiʼ ri wuj chqä achkë xtzʼibʼan rchë.
Taq yeʼatjoj ri winäq, ronojel mul taksaj le Biblia. Taq yatzjon rkʼë jun winäq ri nunmaj chë kʼo Dios, taʼij chë le Biblia kan Ruchʼaʼäl Dios y chpan riʼ yeqïl ri nimaläj taq naʼoj.
Keʼatoʼ ri winäq rchë kan nkajoʼ nkikʼoxaj ri texto ri xtaskʼij apü. Tabʼanaʼ jun kʼutunïk ri nawïl ruqʼalajsaxik chpan ri texto, tatzjoj jun kʼayewal y takʼutuʼ chë ri texto riʼ nkowin nusöl o taʼij apü chë ri texto nukʼüt qa jun utziläj naʼoj chqawäch.

Ütz natzʼët jaruʼ kitaman ri winäq chrij ri xtatzjoj chkë chqä chrij ri texto ri xtaskʼij apü chkiwäch. Takanuj rubʼanik rchë kan nkirayij nkikʼoxaj ri texto tapeʼ ya kitaman chik achkë nuʼij chpan chqä keʼatoʼ rchë más nqʼax chkiwäch y kʼo más naʼoj nkitamaj qa chrij.