NA’OJ 13

Takʼutuʼ achkë utzil nukʼäm pä ri nsmajïx ri naʼoj najin nakʼüt

Proverbios 3:21

RI NTEL CHË TZIJ: Yeʼatoʼ ri winäq rchë nqʼax chkiwäch achkë utzil nukʼäm pä pa kiwiʼ ri naʼoj najin nakʼüt chqä takʼutuʼ achkë rubʼanik nkismajij.

RI RUBʼANIK NASMAJIJ

Taquʼ kij ri yekʼoxan awchë. Taquʼ achkë rma ri winäq nkʼatzin nkikʼoxaj ri xtakʼüt chkiwäch y keʼachaʼ ri naʼoj ri xtkikʼäm pä utzil pa kiwiʼ.
Taqʼalajsaj apü chpan atzijonem achkë kʼo chë nkiʼän ri winäq. Kan xa xuʼ natkirsaj atzijonem, ri winäq kʼo chë nkiquʼ: «¡Re naʼoj reʼ janina xkirutoʼ!». Taq najin naqʼalajsaj ri naʼoj más kejqalen, takʼutuʼ chqä achkë rubʼanik yesmajïx ri naʼoj riʼ. Takʼutuʼ chkiwäch ri winäq ri kʼo chë nkiʼän.

Ütz anaʼoj tabʼanaʼ y pa rubʼeyal takʼutuʼ chkiwäch ri winäq ri rubʼanik nkismajij ri naʼoj ye kʼo chpan le Biblia. Ma naʼän ta chë ri winäq nkinaʼ chë kuw najin yatzjon kikʼë, xa tabʼanaʼ chë nkinaʼ ajowabʼäl chrij Dios chqä nkikʼuqbʼaʼ kikʼuʼx chrij. Tayaʼ chwäch awan chë ryeʼ kan rkʼë ronojel kan xtkismajij ri naʼoj nakʼüt chkiwäch.