Naʼoj rchë natjoj awiʼ

Tkʼaseʼ qa pan ajolon ri bʼix ri resan pä rutinamit Jehová

«Taq rïn ma kiʼ ta nkʼuʼx, Jehová nukʼuqbʼaʼ nkʼuʼx kikʼë ri bʼix rchë JW Broadcasting^®» (Lorraine, Estados Unidos).

Ri cristianos kiyaʼon pä ruqʼij Jehová kikʼë bʼix (Col. 3:16). We rït yekʼaseʼ qa ri bʼix riʼ pan ajolon, ya riʼ kowan xkaturtoʼ yajün taq majun ta jun wuj rchë bʼix awkʼë, jun teléfono o jun tablet. Chpan re peraj reʼ xtawïl jojun naʼoj ri xtkʼatzin chawä. Tayaʼ chawäch yeʼasmajij.

• Tajamaʼ awäch rchë naskʼij chqä nqʼax chawäch ki-letras ri bʼix. Röj ma chanin ta nqamestaj jun naʼoj ri nqʼax chqawäch. Chpan jw.org xtawïl ki-letras jontir qabʼix, yajün ri yeʼel pa JW Broadcasting chqä ri bʼix kichë akʼalaʼ. Rchë yeʼawïl ri bʼix riʼ, katok chpan ri peraj «Publicaciones» y chrij riʼ chpan «Bʼix».

• Tatzʼibʼaj ri letra chwäch jun wuj. Ya riʼ xkaturtoʼ rchë xkekʼaseʼ qa ri bʼix pan ajolon (Deut. 17:18).

• Kan rkʼë nüm achʼaʼäl tabʼixaj ri bʼix. Taskʼij ri letra o kan kʼïy mul tabʼixaj ri bʼix.

• Tkʼaseʼ qa ri letra pan ajolon. Tatjaʼ aqʼij rchë nakamluj ru-letra jun bʼix ye kʼa ma tatzʼët ta ri letra. Chrij riʼ tatzʼetaʼ jaruʼ xkʼaseʼ qa pan ajolon.