¿Achkë rubʼanik nqrköl ri rukʼaslemal xyaʼ Jesús pa kamïk?

Adán y Eva, ri naʼäy kʼlaj winäq, ma xkinmaj ta rutzij Dios. Rma riʼ röj nqmakun, nqatäj poqän chqä nqkäm.a Ye kʼa majun tqaquʼ ta, Jehová xksaj Jesucristo, ri Rukʼajol, rchë xqrköl pa ruqʼaʼ ri mak chqä ri kamïk. Le Biblia nukʼüt chë ri rukʼaslemal xyaʼ Jesús pa kamïk xqrköl pa ruqʼaʼ ri mak chqä ri kamïk. Ryä xkowin xuʼän riʼ rma majun ta wä mak chrij (taskʼij ruwäch Mateo 20:28). Jesús kan ma xpoqonaj ta xyaʼ rukʼaslemal pa kamïk tapeʼ xkowin ta xkʼaseʼ chwäch le Ruwachʼulew y ma ta jun bʼëy xkäm. Rma ryä xuʼän riʼ röj nqkowin nqabʼewlaʼ ri kʼaslemal ri xrajoʼ Dios pa kiwiʼ Adán y Eva. Chqä, rkʼë riʼ xkʼüt chqawäch jaruʼ nqrajoʼ ryä chqä Jehová. Re tjonïk reʼ xkaturtoʼ rchë más xtatyoxij ri xuʼän Jesús pa qawiʼ.

1. ¿Achkë utzil nqïl komä rma ri rukʼaslemal xyaʼ Jesús pa kamïk?

Rma röj xa yoj ajmakiʼ, kʼo kʼïy nqaʼän ri ma nqä ta chwäch Jehová. Ye kʼa nqkowin nq-ok rachiʼil Jehová we kan rkʼë ronojel qan nqatzolij qiʼ che rä qamak, we nqaʼij che rä, pa rubʼiʼ Jesús, chë tkyuʼ qamak chqä we nqatäj qaqʼij rchë ma nqtzaq ta chik chpan ri mak xqaʼän (1 Juan 2:1). Le Biblia nuʼij: «Cristo xa jmul xkäm rchë xtöj qamak, jun winäq chöj rukʼaslemal pa kikʼexel ri ma chöj ta kikʼaslemal, rchë ke riʼ yixurkʼwaj äl rkʼë Dios» (1 Pedro 3:18).

2. ¿Achkë utzil xtqïl chqawäch apü rma ri rukʼaslemal xyaʼ Jesús pa kamïk?

Jehová xtäq pä rukʼajol rchë xyaʼ rukʼaslemal pa kamïk, rchë ke riʼ «xa bʼa achkë ri nukʼüt chë rukʼuqbʼan rukʼuʼx chrij [Jesús], ma xtchup ta ruwäch, xa kan xtrïl ri kʼaslemal ri majun bʼëy xtkʼis ta» (Juan 3:16). Rma ri xuʼän Jesús, Jehová ya xtchüp ruwäch jontir ri kʼayewal ruyaʼon rumak Adán pa qawiʼ. Reʼ ntel chë tzij chë, we nqakʼuqbʼaʼ qakʼuʼx chrij ri xuʼän Jesús pa qawiʼ, xtqïl ri kʼaslemal ri majun bʼëy xtkʼis ta chwäch le Ruwachʼulew taq xtuʼän jun kotzʼijaläj ulew (Isaías 65:21-23).

TQATAMAJ MÁS CHRIJ RE NAʼOJ REʼ

3. Ri rukamik Jesús nqrköl pa ruqʼaʼ ri mak chqä ri kamïk

VIDEO: ¿Achkë rma xkäm Jesús? (naʼäy peraj) (2:01)

• ¿Achkë ma xrïl ta chik Adán rma ma xnmaj ta rutzij Dios?

Tiskʼij ruwäch Romanos 5:12 y kixtzjon chrij reʼ:

• ¿Achkë xkʼäm pä ri rumak Adán pan awiʼ rït?

Tiskʼij ruwäch Juan 3:16 y kixtzjon chrij reʼ:

• ¿Achkë rma Jehová xtäq pä Rukʼajol chwäch le Ruwachʼulew?

1. Adán majun ta wä mak chrij, ye kʼa taq ma xnmaj ta rutzij Dios, xyaʼ qa ri mak chqä ri kamïk chkij ri winäq.

2. Jesús majun ta wä mak chrij chqä xnmaj rutzij Dios. Riʼ xtuʼän chë ri winäq xttel qa ri mak chkij chqä xkekowin xtkïl ri kʼaslemal ri majun bʼëy xtkʼïs ta.

4. Ri rukamik Jesús kʼo utzil nukʼäm pä pa kiwiʼ jontir winäq

VIDEO: ¿Achkë rma xkäm Jesús? (rukaʼn peraj) (2:00)

• ¿Achkë rma nqaʼij chë xa rma rukamik jun achï jontir winäq nkïl utzil?

Tiskʼij ruwäch 1 Timoteo 2:5, 6 y kixtzjon chrij reʼ:

• Adán majun ta wä mak chrij, ye kʼa taq xmakun xyaʼ qa ri mak chqä ri kamïk chkij ri winäq. Jesús chqä majun ta wä mak chrij. ¿Achkë xuʼän ryä rchë xqrköl pa ruqʼaʼ ri mak chqä ri kamïk?

5. Ri xuʼän Jesús ya riʼ jun spanïk xyaʼ Jehová chawä rït

Chkiwäch ri rachiʼil Jehová, ri rukʼaslemal xyaʼ Jesús pa kamïk ya riʼ jun spanïk ri xyaʼ Jehová chkë chkijujnal. Rchë nitzʼët jun tzʼetbʼäl chrij reʼ, tiskʼij ruwäch Gálatas 2:20 y kixtzjon chrij reʼ:

• ¿Achkë tzij xksaj Pablo ri nkikʼüt chqawäch chë chwäch ryä, ri rukʼaslemal xyaʼ Jesús pa kamïk, kan jun spanïk ri xyaʼöx che rä?

Taq Adán xmakun, ryä chqä jontir ri ralkʼwal xpë kamïk chkij. Ye kʼa Jehová xtäq pä Rukʼajol chwäch le Ruwachʼulew rchë xbʼeruyaʼ rukʼaslemal pa kamïk, rchë ke riʼ rït xtawïl ri kʼaslemal ri majun bʼëy xtkʼis ta.

Taq xtaskʼij re textos reʼ, taquʼ achkë komä xnaʼ Jehová taq xtzʼët chë Rukʼajol najin wä nutäj poqän. Tiskʼij ruwäch Juan 19:1-7 chqä 16-18, y kixtzjon chrij reʼ:

• ¿Achkë nanaʼ rït taq naquʼ ri xkiʼän Jehová chqä Jesús pan awiʼ?

RI XQATAMAJ QA

Rma Jesús xyaʼ rukʼaslemal pa kamïk, Jehová nuküy qamak chqä nuyaʼ qʼij chqë rchë nqïl ri kʼaslemal ri majun bʼëy xtkʼis ta.

Tqakamluj ri xqatzʼët qa

• ¿Achkë rma xkäm Jesús?

• ¿Achkë rma nqaʼij chë ri rukʼaslemal xyaʼ Jesús pa kamïk xqrköl pa ruqʼaʼ ri mak chqä ri kamïk?

• ¿Achkë utzil nukʼäm pä pan awiʼ rït ri rukamik Jesús?

RCHË NATAMAJ MÁS

Tatamaj achkë rma rukamik Jesús nqrköl pa ruqʼaʼ ri mak chqä ri kamïk.

«¿Achkë ntel chë tzij chë Jesús xyaʼ ‹rukʼaslemal pa kamïk pa kikʼexel ye kʼïy winäq›?» (Reʼ xtawïl pa jw.org)

Tatzʼetaʼ achkë ütz nqaʼän rchë nqkolotäj qa pa ruqʼaʼ ri mak chqä ri kamïk.

«¿Achkë rubʼanik nqrköl Jesús?» (Reʼ xtawïl pa jw.org)

¿Nqrküy komä Jehová taq yeqaʼän mamaʼ taq mak?

«Kʼutunïk ri yebʼan chrij le Biblia» (Ri Chajinel, 1 de mayo, 2013)

Ri xtamaj chrij ri xuʼän Cristo pa qawiʼ xtoʼ jun achï rchë xjäl runaʼoj. Tatzʼetaʼ achkë xbʼanatäj rkʼë re achï reʼ.

«Ri nnaʼoj ma nchʼakon ta chik chwij» (Reʼ xtawïl pa jw.org)