TJONÏK 60
Tatjaʼ aqʼij rchë más junan nuʼän awäch rkʼë Jehová
Chpan re tiempo reʼ ri atjon pä awiʼ chrij le Biblia, rït kan kʼïy chik ataman pä chrij Jehová. Rma riʼ, komä más nawajoʼ Dios y rkʼë jbʼaʼ ya xajäch yän awiʼ pa ruqʼaʼ chqä xaqasäx yän pa yaʼ. Ye kʼa, we ma abʼanon ta na riʼ, rkʼë jbʼaʼ ayaʼon chik chawäch naʼän riʼ. Ye kʼa, tapeʼ xkaqasäx pa yaʼ, rït nkʼatzin na nkʼuqeʼ más akʼuʼx chpan ruchʼaʼäl Dios. Y, ma xa xuʼ ta riʼ, rït xkakowin xtakowirsaj más awachbʼilanïk rkʼë Jehová komä y chqawäch apü. Tqatzʼetaʼ achkë rubʼanik naʼän riʼ.
1. ¿Achkë rma kʼo chë natäj aqʼij rchë más junan nuʼän awäch rkʼë Jehová?
Röj kʼo chë nqaʼän jontir ri kʼo pa qaqʼaʼ rchë más junan nuʼän qawäch rkʼë Jehová. ¿Achkë rma? «Rchë ke riʼ majun bʼëy xtq-el ta äl chpan ri bʼey qakʼwan» (Hebreos 2:1). ¿Achkë xtqtoʼö rchë majun bʼëy xtqayaʼ ta qa Jehová? Ri nqayaʼ qan chrij rutzjoxik le Biblia chqä nqakanuj nkʼaj chik rubʼanik rchë nqayaʼ ruqʼij ri qa-Dios (taskʼij ruwäch Filipenses 3:16). ¡Majun ta chik jun más ütz chwäch ri nqayaʼ ruqʼij Jehová! (Salmo 84:10).
2. ¿Achkë kʼo chë ma nayaʼ ta qa rubʼanik?
Tapeʼ ya najin chik nakʼïs atjonik chrij le Biblia rkʼë re wuj reʼ, rït xa kʼa riʼ najin nachäp äl ri kʼaslemal ri kʼo chë nukʼwaj jun cristiano. Le Biblia nuʼij reʼ chkë ri cristianos: «Kʼo chë niwäq iwiʼ kikʼë ri kʼakʼakʼ taq naʼoj» (Efesios 4:23, 24). We ronojel mul natjoj awiʼ chrij Ruchʼaʼäl Dios chqä yajeʼ chkipan ri qamoloj, rït xtatamaj más chrij Jehová chqä chrij runaʼoj. Takanuj rubʼanik rchë nakʼän anaʼoj chrij y tatjaʼ aqʼij rchë najäl xa bʼa achkë jun chpan akʼaslemal rchë naʼän chë Jehová kiʼ rukʼuʼx nuʼän awkʼë.
3. ¿Achkë rubʼanik xkaturtoʼ pä Jehová rchë más junan xtuʼän awäch rkʼë?
Le Biblia nuʼij: «Dios [...] xkixurtjoj rchë xkixkowin xtiʼän ri samaj xtyaʼ pan iqʼaʼ. Ryä xtbʼanö chë kuw xkixpaʼeʼ, ryä xtyaʼö iwuchqʼaʼ, ryä xtbʼanö chë majun ta xtslon iwchë» (1 Pedro 5:10). Jontir kʼo ri ma ütz ta nkikʼüt pä kiʼ chqawäch, ye kʼa Jehová nuyaʼ ri nkʼatzin chqë rchë nqapabʼaʼ qiʼ chkiwäch (Salmo 139:23, 24). Chqä, ryä nuʼij chawä chë ma xa xuʼ ta xtuʼän chë narayij nayaʼ ruqʼij, xa kan xtyaʼ chqä awchqʼaʼ rchë xtaʼän riʼ (taskʼij ruwäch Filipenses 2:13).
TQATAMAJ MÁS CHRIJ RE NAʼOJ REʼ
Tqatzʼetaʼ achkë ütz naʼän rchë más junan nuʼän awäch rkʼë Jehová chqä achkë utzil xtyaʼ ryä pan awiʼ.
4. Chaq taqïl kachʼö rkʼë Jehová chqä taskʼij ruwäch Ruchʼaʼäl
Rït yït oknäq rachiʼil Jehová rma yït chʼonäq rkʼë chqä atjon pä awiʼ chrij le Biblia. ¿Achkë rubʼanik yaturtoʼ ri naʼän riʼ rchë más junan nuʼän awäch rkʼë?
Tiskʼij ruwäch Salmo 62:8 y kixtzjon chrij reʼ:
Taq más jaʼäl rubʼanik yachʼö rkʼë Jehová, más junan xtuʼän awäch rkʼë. ¿Achkë rubʼanik naʼän riʼ?
Tiskʼij ruwäch Salmo 1:2 y kixtzjon chrij reʼ:
Taq más jaʼäl rubʼanik naskʼij ruwäch le Biblia, más junan xtuʼän awäch rkʼë Jehová. ¿Achkë rubʼanik naʼän riʼ?
¿Achkë ütz naʼän rchë kan kʼo xtatamaj qa taq xtatjoj awiʼ chrij le Biblia pan ayonïl? Rchë nawïl jojun naʼoj, titzʼetaʼ ri VIDEO. Chrij riʼ kixtzjon chrij reʼ:
¿Achkë naʼoj xatzʼët qa chpan ri video ri ütz nasmajij?
¿Achoq chrij nawajoʼ natjoj wä awiʼ rït?
5. Tayaʼ chawäch nayaʼ más ruqʼij Jehová
Ri nayaʼ chawäch nayaʼ más ruqʼij Jehová xkaturtoʼ rchë más junan xtuʼän awäch rkʼë. Titzʼetaʼ ri VIDEO y kixtzjon chrij reʼ:
¿Achkë rubʼanik xtoʼ ya Cameron ri xyaʼ chwäch nuʼän más samaj chpan rutinamit Jehová?
Ma jontir ta ütz nuʼän chqawäch nqbʼä jukʼan chik tinamït rchë nqabʼetzjoj le Biblia. Ye kʼa ütz nqayaʼ chqawäch nqabʼeqʼiʼ jojun samaj chpan rutinamit Dios. Tiskʼij ruwäch Proverbios 21:5 y kixtzjon chrij ri achkë más nawajoʼ naʼän rït...
... pa congregación.
... chutzjoxik le Biblia.
¿Achkë rubʼanik yaturtoʼ re texto reʼ rchë nabʼeqʼiʼ ri ayaʼon chawäch naʼän?
Ri ütz nayaʼ chawäch naʼän
Más ütz rubʼanik yachʼö rkʼë Dios.
Naskʼij ruwäch jontir le Biblia.
Natamaj kiwäch jontir qachʼalal pa congregación.
Natjoj jun winäq chrij le Biblia.
Yatok precursor auxiliar o regular.
Ri achiʼaʼ yekowin yeʼok toʼonelaʼ pa congregación.
6. ¡Xkakʼaseʼ ta kʼa y ma ta jun bʼëy xkakäm!
Tiskʼij ruwäch Salmo 22:26 y kixtzjon chrij reʼ:
¿Achkë ütz naʼän rït rchë kiʼ akʼuʼx naʼän komä chqä rchë xtawïl ri kʼaslemal ri majun bʼëy xtkʼis ta?
RI XQATAMAJ QA
Tatjaʼ aqʼij rchë más junan nuʼän awäch rkʼë Jehová chqä tayaʼ chawäch nabʼeqʼiʼ jojun samaj chpan rutinamit. ¡Xa xuʼ ke riʼ xtawïl ri kʼaslemal ri majun bʼëy xtkʼis ta!
Tqakamluj ri xqatzʼët qa
¿Achkë rma kan akʼuqbʼan akʼuʼx chë Jehová xkaturtoʼ pä rchë majun bʼëy xtayaʼ ta qa ryä?
¿Achkë ütz naʼän rchë más junan xtuʼän awäch rkʼë Jehová?
¿Achkë rma ri kʼo nayaʼ chawäch naʼän chpan rutinamit Jehová xkaturtoʼ rchë más junan xtuʼän awäch rkʼë?
RCHË NATAMAJ MÁS
¿Achkë kʼo más ruqʼij chwäch Jehová: ri nqaʼän xa bʼa achkë jun rchë nqakʼüt chë nqayaʼ ruqʼij, o ri nqakʼwaj jun jïk kʼaslemal chwäch ryä?
Tqakʼwaj jun jïk kʼaslemal chwäch Dios achiʼel xuʼän Abrahán (9:20)
Yajün ri rusamajelaʼ Jehová kʼo mul ma kiʼ ta chik kikʼuʼx nkiyaʼ ruqʼij. Tatzʼetaʼ achkë nkʼatzin nuʼän jun cristiano rchë jmul chik kiʼ rukʼuʼx nuyaʼ ruqʼij Dios.
Ri xkʼatzin xinbʼän rchë jmul chik kiʼ nkʼuʼx xinyaʼ ruqʼij Jehová (5:25)
¿Achkë nkʼatzin nqayaʼ chqawäch nqaʼän rchë más junan xtuʼän qawäch rkʼë Jehová, y achkë rubʼanik nqaʼän riʼ?
Tatzʼetaʼ achkë rma kan kʼo ruqʼij nkʼuqeʼ más akʼuʼx chpan ruchʼaʼäl Dios chqä achkë rubʼanik xtaʼän riʼ.