KIKʼOJLIBʼÄL WUJ PA INTERNET Watchtower
Watchtower
KIKʼOJLIBʼÄL WUJ PA INTERNET
Kaqchikel occidental
ä
  • ä
  • ë
  • ï
  • ö
  • ü
  • bʼ
  • kʼ
  • tʼ
  • tzʼ
  • qʼ
  • BIBLIA
  • JALAJÖJ WUJ
  • RI QAMOLOJ
  • w25 enero ruxaq 2-7
  • Tqayaʼ rqʼij Jehová

Majun ta video ri ntzjon chrij ri xachaʼ.

Kojakuyuʼ, komä ma ütz ta natzʼët ri video.

  • Tqayaʼ rqʼij Jehová
  • Ri Chajinel ri Nyaʼö Rutzjol ri Ruqʼatbʼäl Tzij Jehová (2025)
  • Ruqʼaʼ ri tzijonem
  • Junan bʼaʼ rkʼë
  • ¿ACHKË NTEL CHË TZIJ NQAYAʼ RQʼIJ JEHOVÁ?
  • ¿ACHKË RMA NQAYAʼ RQʼIJ JEHOVÁ?
  • ¿ACHKË RBʼANIK NQKOWIN NQAYAʼ RQʼIJ JEHOVÁ KAN ACHIʼEL TAQÄL CHRIJ?
  • ¿ACHKË XTUʼÄN JEHOVÁ XA JBʼAʼ CHIK APÜ RCHË XTCHʼAJCHʼOBʼEJ RBʼIʼ?
  • «Tiyaʼ rqʼij rbʼiʼ Jehová kan achiʼel taqäl chrij» (Salmo 96:8).
    «Tiyaʼ rqʼij rbʼiʼ Jehová kan achiʼel taqäl chrij» (Salmo 96:8).
  • Rbʼiʼ Jehová kan kʼo rqʼij chqawäch röj
    Ri Chajinel ri Nyaʼö Rutzjol ri Ruqʼatbʼäl Tzij Jehová (2025)
  • Tqaqasaj qiʼ y tqʼax chqawäch chë ma jontir ta qataman
    Ri Chajinel ri Nyaʼö Rutzjol ri Ruqʼatbʼäl Tzij Jehová (2025)
  • Rbʼiʼ Jehová kan kʼo rqʼij chwäch Jesús
    Ri Chajinel ri Nyaʼö Rutzjol ri Ruqʼatbʼäl Tzij Jehová (2025)
Rchë natzʼët más
Ri Chajinel ri Nyaʼö Rutzjol ri Ruqʼatbʼäl Tzij Jehová (2025)
w25 enero ruxaq 2-7

TJONÏK 1

BʼIX 2 Rït Jehová abʼiʼ

Tqayaʼ rqʼij Jehová

TEXTO RCHË RI JNAʼ 2025: «Tiyaʼ rqʼij rbʼiʼ Jehová kan achiʼel taqäl chrij» (SAL. 96:8).

RI XTQATZʼËT

Xtqatzʼët achkë rbʼanik nqayaʼ rqʼij Jehová kan achiʼel taqäl chrij.

1. ¿Achkë nkiʼän ye kʼïy winäq pa qaqʼij komä?

¿ATZʼETON rït chë pa qaqʼij komä kan ye kʼïy winäq xa xuʼ ryeʼ nkajoʼ nyaʼöx kiqʼij? Ye kʼo jojun nkiksaj ri redes sociales rchë yetzʼet kimä nkʼaj chik chqä rchë ntzʼet achkë yekowin nkiʼän o achkë kʼo kikʼë. Ye kʼa, xa ye jbʼaʼ winäq nkiyaʼ rqʼij Jehová Dios. Chpan re tjonïk reʼ xtqatzʼët achkë ntel chë tzij nqayaʼ rqʼij Jehová y achkë rma nqaʼän riʼ. Chqä xtqatamaj achkë rbʼanik nqayaʼ rqʼij Dios kan achiʼel taqäl chrij y achkë xtuʼän ryä xa jbʼaʼ chik apü rchë xtchʼajchʼobʼej rbʼiʼ.

¿ACHKË NTEL CHË TZIJ NQAYAʼ RQʼIJ JEHOVÁ?

2. ¿Achkë rbʼanik xkʼüt Jehová pa rwiʼ ri jyuʼ Sinaí chë ryä kan nüm rqʼij? (Tatzʼetaʼ chqä ri achbʼäl ri kʼo pä chwäch re revista reʼ).

2 Chpan le Biblia, ri tzij rqʼij ntzjon chrij ri nbʼanö chë jun winäq kan nüm rqʼij ntzʼet kimä nkʼaj chik. Taq ri israelitas xa kʼa riʼ jbʼaʼ kelesäx pä Egipto, Jehová xkʼüt chkiwäch chë ryä kan kowan rqʼij. Tqaquʼ rij ri xbʼanatäj ri qʼij riʼ. Ri israelitas kimolon wä kiʼ chuxeʼ ri jyuʼ Sinaí rchë nkikʼoxaj ri xtuʼij Dios chkë. Ryeʼ nkitzuʼ jun qʼäq sutzʼ ri nuküch rwiʼ ri jyuʼ. Nbʼanatäj jun nüm slonel chqä nkitzuʼ chë ntel sübʼ pa rwiʼ ri jyuʼ. Chrij riʼ nkitzʼët ri kyopaʼ yeʼel chpan ri sutzʼ chqä nkikʼoxaj nmaʼq taq qlojay y rchʼaʼäl jun cuerno ri kan kowan kuw nqʼajan (Éx. 19:16-18; 24:17; Sal. 68:8). Kantzij na wä chë ri israelitas kan xqä kimayej (xkiʼän asombrar kiʼ) taq xkitzʼët rchqʼaʼ Jehová.

Qʼäq taq sutzʼ ri yeqʼalajin kyopaʼ chpan ye kʼo pa rwiʼ ri jyuʼ Sinaí. Ri israelitas kimolon kiʼ chuxeʼ ri jyuʼ riʼ.

Pa rwiʼ ri jyuʼ Sinaí, Jehová xkʼüt chkiwäch ri israelitas chë kan kowan rqʼij chqä rchqʼaʼ. (Tatzʼetaʼ ri peraj 2).


3. ¿Achkë ntel chë tzij nqayaʼ rqʼij Jehová?

3 ¿Y röj? ¿Nqkowin chqä nqayaʼ rqʼij Jehová? Jaʼ, nqkowin. Jun rbʼanik nqaʼän riʼ ya riʼ taq nqatzjoj chkë ri winäq chë ryä kan kowan rchqʼaʼ chqä kan jaʼäl rnaʼoj. Jun chik rbʼanik ya riʼ taq nqayaʼ rqʼij ryä taq kʼo jun ütz ntel chqawäch (Is. 26:12). Kan ya riʼ xuʼän ri qʼatöy tzij David. Kʼo jmul, ryä xchʼö rkʼë Jehová chkiwäch jontir ri israelitas y xuʼij ya reʼ che rä: «Xa xuʼ rït Jehová kowan nüm aqʼij akʼojlen chqä kowan awchqʼaʼ, rma ronojel ri kʼo chkaj chqä chwäch le Rwachʼlew awchë rït». Taq xkʼïs roración, «jontir ri kimolon wä kiʼ chriʼ xkiyaʼ rqʼij Jehová» (1 Crón. 29:11, 20).

4. ¿Achkë xuʼän Jesús rchë xyaʼ rqʼij Jehová?

4 Taq Jesús xjeʼ chwäch Rwachʼlew, ryä kan kʼïy rbʼanik xyaʼ rqʼij Rtat. Taq yeruʼän wä milagros, ryä nuʼij wä chkë ri winäq chë kan rkʼë rchqʼaʼ Jehová xeruʼän wä (Mar. 5:18-20). Chqä xyaʼ rqʼij Rtat rkʼë rbʼanik xtzjon chrij chqä rkʼë rnaʼoj xuʼän kikʼë ri winäq. Kʼo jun qʼij, Jesús xkʼüt rchʼaʼäl Dios chpan jun sinagoga, ntel chë tzij, chpan jun jay akuchï nkimöl wä kiʼ ri judíos rchë nkiyaʼ rqʼij Dios. Chkikojöl ri winäq riʼ kʼo wä jun ixöq ri rkʼwan wä chik 18 jnaʼ ri kʼo jun demonio rkʼë. Rma ri demonio riʼ, ryä luklïk wä rij, rma riʼ ma nkowin ta wä chöj npaʼeʼ. Ri ixöq riʼ kan kowan wä najin nutäj poqän. Taq Jesús xtzʼët, xpoqonaj rwäch, kan ütz rnaʼoj xuʼän rkʼë y xuʼij che rä: «Komä xkakʼachöj che rä ayabʼil». Chrij riʼ xyaʼ rqʼaʼ chrij ri ixöq, y kan xa xuʼ xuʼän riʼ, ri ixöq xkʼachöj rij y «xyaʼ rqʼij Dios» (Luc. 13:10-13). Ri ixöq riʼ kan kʼo rma xyaʼ rqʼij Dios. Röj chqä kʼo rma nqaʼän riʼ.

¿ACHKË RMA NQAYAʼ RQʼIJ JEHOVÁ?

5. ¿Achkë rma röj kʼo rqʼij Jehová chqawäch chqä ma nqaqasaj ta rqʼij?

5 Nqayaʼ rqʼij Jehová rma ryä kan kʼo rqʼij chqawäch. Röj kan kʼo rqʼij Jehová chqawäch. Chqä ma nqaqasaj ta rqʼij rma ryä kʼo ronojel uchqʼaʼ pa rqʼaʼ; rchqʼaʼ Jehová majun bʼëy nkʼis ta (Sal. 96:4-7). Chqä, rkʼë jontir ri rbʼanon qa, kan nqʼalajin chë ryä kowan rnaʼoj. Dios ryaʼon qakʼaslemal chqä jontir ri nkʼatzin chqë rchë nqkʼaseʼ (Apoc. 4:11). Jehová ma yeryaʼ ta qa ramigos (Apoc. 15:4). Kan ütz ntel jontir chwäch chqä kan nuʼän ri nuʼij (Jos. 23:14). Nqʼax kʼa chqawäch achkë rma ri profeta Jeremías xuʼij ya reʼ che rä: «Chkikojöl jontir ri ajnaʼoj taq winäq ri ye kʼo chkipan ri tinamït chqä chpan ri qʼatbʼäl taq tzij, majun ta jun achiʼel rït» (Jer. 10:6, 7). Rkʼë ya reʼ nqatzʼët chë kʼo kʼïy rma njeʼ rqʼij Jehová chqawäch chqä ma nqaqasaj ta rqʼij. Ye kʼa ma xa xuʼ ta ya riʼ taqäl chrij, ryä chqä taqäl chrij nqajoʼ.

6. ¿Achkë rma nqajoʼ Jehová?

6 Nqayaʼ rqʼij Jehová rma kan rkʼë ronojel qan nqajoʼ. Jehová kʼo kʼïy jaʼäl taq naʼoj rkʼë ri nkiʼän chqë chë nqajoʼ ryä. Ri Qatat kʼo chkaj kan nupoqonaj chqä nujyowaj qawäch (Sal. 103:13; Is. 49:15). Taq nqatäj poqän, kan nqʼax chwäch achkë nqanaʼ chqä kan poqän nunaʼ ran (Zac. 2:8). Chqä nqrtoʼ rchë nqjelun rkʼë chqä rchë nq·ok ramigos (Sal. 25:14; Hech. 17:27). Y ma xa xuʼ ta riʼ, Jehová nuqasaj riʼ y «nwukeʼ qa rchë nutzʼët ri kaj chqä le Rwachʼlew, rchë nuyäk qʼanäj chpan ri poqlaj ri winäq ri nuqasaj riʼ» (Sal. 113:6, 7). ¿Achkë ma ta xtjowan xtyaʼ rqʼij jun Dios ri ke riʼ rnaʼoj? (Sal. 86:12).

7. ¿Achkë nqkowin nqaʼän röj?

7 Nqayaʼ rqʼij Jehová rma nqajoʼ chë ri winäq nkitamaj rwäch. Ye kʼïy winäq nkiquʼ chë Dios ma ütz ta rnaʼoj. ¿Achkë rma? Rma Satanás kan kʼïy tzʼukün taq tzij rbʼin chrij chqä rtzʼapin kiwäch ri winäq (2 Cor. 4:4). Ryä rbʼanon chë ryeʼ nkinmaj chë Jehová chanin nkatäj ryowal, ma nutzʼët ta taq röj nqatäj poqän chqä chë yë ryä ajmak chë kʼo kʼïy ma ütz ta yebʼanatäj chwäch Rwachʼlew. Ye kʼa röj qataman chë ya riʼ ma kantzij ta. Y rma qataman riʼ, nqkowin yeqatoʼ ri winäq rchë nkitamaj achkë qäs rnaʼoj qaDios, y taq nqaʼän riʼ nqayaʼ rqʼij ryä (Is. 43:10). Komä qtzjon chkij jojun versículos rchë ri Salmo 96 ri yetzjon chrij ryaʼik rqʼij Jehová. Ri xtqaʼän riʼ xtqrtoʼ rchë xtqatzʼët achkë rbʼanik nqayaʼ rqʼij Dios kan achiʼel taqäl chrij.

¿ACHKË RBʼANIK NQKOWIN NQAYAʼ RQʼIJ JEHOVÁ KAN ACHIʼEL TAQÄL CHRIJ?

8. ¿Achkë jun rbʼanik nqkowin nqayaʼ rqʼij Jehová? (Salmo 96:1-3).

8 (Taskʼij Salmo 96:1-3). Nqkowin nqayaʼ rqʼij Jehová rkʼë ri nqaʼij chrij ryä. Chpan re versículos reʼ, nbʼix chkë ri nkiyaʼ rqʼij Dios chë kebʼixan che rä Jehová, tkiyaʼ rqʼij rbʼiʼ, tkitzjoj ri xtuʼän ryä rchë xkerköl ri winäq chqä tkiʼij chkë ri winäq chwäch jontir Rwachʼlew chë ryä kan nüm rqʼij. Ke riʼ rbʼanik nqkowin nqayaʼ rqʼij Qatat kʼo chkaj. Ri judíos ri xkinmaj rtzij Dios chqä ri cristianos pa naʼäy siglo, xkiʼän jontir ri xekowin rchë xkikʼüt achkë qäs rnaʼoj Jehová chqä rchë xkitzjoj achkë utzil ryaʼon ryä pa kiwiʼ ryeʼ (Dan. 3:16-18; Hech. 4:29). ¿Achkë rbʼanik nqkowin nqakʼän qanaʼoj chkij?

9, 10. ¿Achkë nukʼüt qa chawäch rït ri xqʼaxaj ya Angelina? (Tatzʼetaʼ chqä ri achbʼäl).

9 Tqatzʼetaʼ ri xbʼanatäj rkʼë ya Angelina,a jun qachʼalal aj Estados Unidos. Ryä ma xxiʼij ta riʼ xtzjoj chrij Jehová akuchï nsamäj wä. Rma xa kʼa riʼ jbʼaʼ tyaʼöx rsamaj, xbʼan invitar chpan jun reunión ri akuchï jontir ri xa kʼa xyaʼöx kisamaj nkʼatzin nkitzjoj jbʼaʼ chrij ri kiqʼaxan pä pa kikʼaslemal, rchë ke riʼ ri nkʼaj chik nkitamaj más kiwäch. Ryä xchʼöbʼ nukʼüt jojun fotos chkiwäch rchë nukʼüt chë kan kiʼ rkʼuʼx rma testigo de Jehová. Ye kʼa, jun rchiʼil ri xqʼax naʼäy chwäch ryä xuʼij chë xkʼiytisäx pä kimä rteʼ rtat ri ye testigos de Jehová, ye kʼa xa itzel xtzjon chrij ri nqanmaj chqä xa xtzeʼen chrij. Ya Angelina nuʼij: «Xinnaʼ chë jbʼaʼ ma xel wan. Ye kʼa xinbʼij: ‹¿Nyaʼ qʼij chë jun winäq ke riʼ ntzjon chrij Jehová, o nkʼüt achkë rnaʼoj Dios?›».

10 Taq rchiʼil ya Angelina xkʼïs ri xrajoʼ xuʼij, ya Angelina eqal xchʼö rkʼë Jehová. Chrij riʼ, kan ütz rbʼanik xuʼij ya reʼ che rä rchiʼil: «Kʼo jun ri jnan jbʼaʼ xqaqʼaxaj pä. Rïn chqä xikʼiytisäx pä kimä nteʼ ntat ri ye testigo de Jehová, y rïn chqä yïn Testigo». Jontir xa xuʼ chik xkitzuʼ kiʼ, ye kʼa ya Angelina ma xxiʼij ta riʼ, rma riʼ xkʼüt chkiwäch rchiʼil jojun fotos ri akuchï ryä chqä jojun ramigos kan kiʼ kikʼuʼx najin nkiyaʼ rqʼij Jehová. Chrij riʼ kan pa rbʼeyal xkʼüt chkiwäch achkë nunmaj (1 Ped. 3:15). Taq xkʼïs ri xrajoʼ xuʼij, rchiʼil majun ta chik achkë xuʼij, chqä xuʼij chë ryä chqä kʼa nnatäj na che rä achkë ütz xqʼaxaj pä taq xkʼiytisäx pä kimä rteʼ rtat. Ya Angelina nuʼij: «Jehová kan taqäl chrij nqakʼüt chrij ryä chkiwäch nkʼaj chik. ¡Ya riʼ kan jun nüm utzil qlon!». Chqawäch röj chqä kan jun nüm utzil ri nqkowin nqayaʼ rqʼij Jehová, yajün taq nkʼaj chik itzel yetzjon chrij.

Jun demostración akuchï ya Angelina nukʼüt jojun fotos chkiwäch rchiʼil chwäch jun pantalla. Kan kiʼ rkʼuʼx nukʼüt jun foto chkiwäch ri akuchï ryä kʼo pa jun asamblea especial chqä najin nresaj rfoto kikʼë jojun qachʼalal ri ye petenäq pa jun chik tinamït.

Nqkowin nqayaʼ rqʼij Jehová rkʼë ri yeqaʼij. (Tatzʼetaʼ ri peraj 9 chqä 10).b


11. ¿Achkë rbʼanik kismajin ri winäq ri nkiyaʼ rqʼij Dios ri nuʼij Salmo 96:8?

11 (Taskʼij Salmo 96:8). Nqkowin nqayaʼ rqʼij Jehová rkʼë ri kʼo qkʼë. Ri winäq ri nkiyaʼ rqʼij Dios, kan ke riʼ rbʼanik kiyaʼon pä rqʼij Jehová (Prov. 3:9). Ri israelitas xkiyaʼ ri kʼo kikʼë rchë xyak ri templo, rchë xjosqʼïx chqä xbʼan rbʼanik (2 Rey. 12:4, 5; 1 Crón. 29:3-9). Jojun rtzeqelbʼëy Jesús xkiksaj «ri achkë kʼo kikʼë» rchë xkiyaʼ ri xkʼatzin che rä ryä chqä chkë rapóstoles (Luc. 8:1-3). Y, pa naʼäy siglo, ri cristianos xkitäq äl chkë nkʼaj chik cristianos ri xkʼatzin chkë (Hech. 11:27-29). Pa qaqʼij komä, röj chqä nqkowin nqayaʼ rqʼij Jehová taq nqayaʼ qakchaj.

12. ¿Achkë rma nqaʼij chë nqayaʼ rqʼij Jehová taq nqayaʼ qakchaj? (Tatzʼetaʼ chqä ri achbʼäl).

12 Tqatzʼetaʼ achkë rma nqaʼij chë nqayaʼ rqʼij Jehová taq nqayaʼ qakchaj. Pa 2020, chlaʼ Zimbabue, kʼo jun tiempo majun ta jöbʼ xuʼän, rma riʼ kan pa millón winäq xxiʼin kij rma wayjal. Chpan ri tinamït riʼ kʼo wä jun qachʼalal ri Priscila rbʼiʼ. Tapeʼ ri winäq kan kwest wä najin nkiqʼaxaj rma majun ta jöbʼ, ri qachʼalal riʼ nbʼä wä chutzjoxik le Biblia ronojel miércoles chqä viernes, yajün taq nbʼeqä wä ri qʼij rchë nuchʼïk rwäch rilew. Rvecinos yetzeʼen wä chrij chqä nkiyöqʼ rma ryä nutzjoj wä le Biblia pa rkʼexel nsamäj pa rjyuʼ. Chqä nkiʼij wä ya reʼ che rä: «¡Xkakäm rma wayjal!». Ye kʼa ryä nuʼij wä ya reʼ chkë: «Jehová majun bʼëy yeryaʼon ta qa ri nkiyaʼ rqʼij». Jbʼaʼ chrij riʼ, rma ri kchaj yeqayaʼ, rtinamit Jehová xtäq äl che rä ya Priscila ri achkë nkʼatzin che rä. Ye kʼo jojun rvecinos kan ma nkinmaj ta wä taq xkitzʼët ya riʼ, chqä xkiʼij che rä: «Dios majun bʼëy yaturyaʼon ta qa. Nqajoʼ nqatamaj más chrij ryä». 7 chkë ryeʼ xkichäp xebʼä pa qamoloj.

Jun demostración akuchï ya Priscila najin nutzjoj le Biblia rkʼë jun qachʼalal ixöq. Ya Priscila kan kiʼ rkʼuʼx tapeʼ rvecinos nkiyöqʼ chqä yetzeʼen chrij.

Nqkowin nqayaʼ rqʼij Jehová rkʼë ri kʼo qkʼë. (Tatzʼetaʼ ri peraj 12).c


13. ¿Achkë rbʼanik nqayaʼ rqʼij Jehová rkʼë qanaʼoj chqä rkʼë ri yeqaʼän? (Salmo 96:9).

13 (Taskʼij Salmo 96:9). Nqkowin nqayaʼ rqʼij Jehová rkʼë qanaʼoj chqä rkʼë ri yeqaʼän. Ri rsacerdotes Jehová nkʼatzin wä nkichʼajchʼobʼej kiʼ taq nkiʼän wä kisamaj pa tabernáculo chqä pa templo (Éx. 40:30-32). Röj chqä nqatäj qaqʼij rchë nqachʼajchʼobʼej qiʼ, ye kʼa ri kʼo más rqʼij ya riʼ nqakʼwaj jun chʼajchʼöj kʼaslemal chwäch Jehová (Sal. 24:3, 4; 1 Ped. 1:15, 16). Nkʼatzin nqaʼän jontir ri kʼo pa qaqʼaʼ rchë yeqayaʼ qa ri naʼoj ri xejeʼ qkʼë ojer chqä rchë achiʼel ta nqawäq qiʼ kikʼë «kʼakʼakʼ taq naʼoj». Reʼ ntel chë tzij ma nqaʼän ta chik ri ma ütz ta, yeqayaʼ qa ri tzʼil taq bʼanobʼäl chqä nqakʼüt rkʼë jontir ri nqaquʼ chqä ri nqaʼän chë qakʼamon qanaʼoj chrij Jehová (Col. 3:9, 10). Rkʼë rtoʼik Dios, yajün ri winäq ri kikʼwan jun tzʼil kʼaslemal chqä kan itzel kinaʼoj, yekowin nkijäl rbʼanik kʼaslemal kikʼwan y achiʼel ta nkiwäq kiʼ kikʼë ütz taq naʼoj.

14. ¿Achkë nukʼüt qa chawäch rït ri xbʼanatäj rkʼë Jack? (Tatzʼetaʼ chqä ri achbʼäl).

14 Tqatzʼetaʼ ri xbʼanatäj rkʼë Jack, jun achï ri kan itzel rnaʼoj chqä kan naxiʼij awiʼ chwäch. Ryä nbʼix wä el Demonio che rä. Rma ri xeruʼän, xqʼat tzij pa rwiʼ chqä xbʼix che rä chë xtkamsäx. Ye kʼa loman ryoʼen ri qʼij riʼ, xrajoʼ xtjoj riʼ chrij le Biblia rkʼë jun qachʼalal ri napon wä pa cárcel rchë nutzjoj le Biblia. Tapeʼ kʼo ma ütz ta xeruʼän ojer, Jack xjäl rnaʼoj, y taq xqʼax ri tiempo, xqasäx pa yaʼ y xok testigo de Jehová. Rma kan xjäl rnaʼoj, jojun chkë ri yechajin kichë ri ye kʼo pa cárcel, kan xeʼoqʼ taq ryä xkʼwäx äl. Kʼo jun sargento ri nsamäj wä chriʼ, xuʼij: «Rbʼanon qa, Jack ya riʼ wä ri más itzel rnaʼoj pa cárcel. Ye kʼa komä ya riʼ ri más ütz rnaʼoj». Taq qʼaxnäq chik jun semana taq xkamsäx Jack, ri qachʼalal ri xetzolin pa cárcel rchë xkiqʼaxaj ri moloj chriʼ, xkitzʼët chë xapon jun achï ri majun bʼëy aponäq ta. ¿Achkë rma ri achï riʼ xapon pa moloj? Rma kan xel rkʼuʼx chë Jack xjäl rnaʼoj y nrajoʼ wä nutamaj achkë nkʼatzin nuʼän rchë nuyaʼ rqʼij Jehová. Rkʼë ya reʼ nqʼalajin chë nqkowin nqayaʼ rqʼij Qatat kʼo chkaj rkʼë qanaʼoj chqä rkʼë ri yeqaʼän (1 Ped. 2:12).

Jun demostración akuchï Jack najin nkʼwäx äl kimä ri yechajin kichë pa cárcel. Ri achiʼaʼ riʼ bʼis yetzuʼun. Jun chkë ryeʼ najin nusuʼ ryiʼal rwäch.

Nqkowin nqayaʼ rqʼij Jehová rkʼë qanaʼoj chqä rkʼë ri yeqaʼän. (Tatzʼetaʼ ri peraj 14).d


¿ACHKË XTUʼÄN JEHOVÁ XA JBʼAʼ CHIK APÜ RCHË XTCHʼAJCHʼOBʼEJ RBʼIʼ?

15. Xa jbʼaʼ chik apü, ¿achkë xtuʼän Jehová rchë xtchʼajchʼobʼej rbʼiʼ? (Salmo 96:10-13).

15 (Taskʼij Salmo 96:10-13). Pa rkʼisbʼäl che rä ri Salmo 96 nuʼij chë Jehová jun Qʼatöy Tzij ri kan pa rbʼeyal nuqʼät tzij. ¿Achkë xtuʼän ryä rchë xtchʼajchʼobʼej rbʼiʼ chqawäch apü? Ryä xtqʼät tzij pa kiwiʼ jontir winäq rchë jontir pa rbʼeyal xtbʼan che rä. Xa jbʼaʼ chik apü, xtchüp rwäch Babilonia la Grande rma xtzʼilbʼisaj rbʼiʼ (Apoc. 17:5, 16; 19:1, 2). Jojun chkë ri xtkitzʼët chë xchup kiwäch ri religiones ri ma yeqä ta chwäch Dios, rkʼë jbʼaʼ xtkajoʼ xkepë qkʼë rchë jnan xtqayaʼ rqʼij Jehová. Chrij riʼ, chpan Armagedón, Jehová xtchüp rwäch rqʼatbʼäl tzij Satanás chqä rwinaq. Dios xtchüp kiwäch jontir ri itzel nkinaʼ che rä ryä chqä kitzʼilbʼisan rbʼiʼ, ye kʼa xkerköl jontir ri nkajoʼ ryä, nkinmaj rtzij chqä kan kiʼ kikʼuʼx nkiyaʼ rqʼij (Mar. 8:38; 2 Tes. 1:6-10). Pa rkʼisbʼäl che rä ri Mil Jnaʼ ri Xtqʼät Tzij Cristo, taq xkʼis yän ri rkʼisbʼäl prueba, majun ta chik jun xttzʼilbʼisan rbʼiʼ Jehová rma ryä ya xuʼän chʼajchʼöj che rä (Apoc. 20:7-10). Chpan ri tiempo riʼ, «kan achiʼel ri yaʼ ri nunujsaj ri mar, kan ke riʼ chqä xtuʼän le Rwachʼlew, xtnuj chë winäq ri kitaman chë Jehová kowan rqʼij» (Hab. 2:14).

16. ¿Achkë ayaʼon chawäch rït naʼän? (Tatzʼetaʼ chqä ri achbʼäl).

16 ¡Kan jaʼäl xtuʼän taq jontir winäq xtkiyaʼ rqʼij Jehová kan achiʼel taqäl chrij! Loman nbʼeqä ri qʼij riʼ, röj nqkowin nqakanuj rbʼanik rchë nqayaʼ rqʼij qaDios. Rchë nkikʼüt chqawäch chë kan kowan rqʼij nqaʼän riʼ, ri Molaj Ukʼwäy Bʼey xchaʼ Salmo 96:8 rchë ntok qatexto rchë ri jnaʼ 2025: «Tiyaʼ rqʼij rbʼiʼ Jehová kan achiʼel taqäl chrij».

Jojun ángeles ri ye kʼo chkaj chqä jojun winäq ri ye kʼo chwäch ri kʼakʼakʼ Rwachʼlew. Ryeʼ kan kiʼ kikʼuʼx najin nkiyaʼ rqʼij Jehová.

¡Xtbʼeqä na ri qʼij taq jontir winäq xtkiyaʼ rqʼij Jehová kan achiʼel taqäl chrij! (Tatzʼetaʼ ri peraj 16).

¿ACHKË XTAʼIJ?

  • ¿Achkë ntel chë tzij nqayaʼ rqʼij Jehová?

  • ¿Achkë rma nqayaʼ rqʼij Jehová?

  • ¿Achkë ütz nqaʼän rchë nqayaʼ rqʼij Jehová kan achiʼel taqäl chrij?

BʼIX 159 Tqayaʼ rqʼij Jehová

a Ye jalon jojun bʼiʼaj.

b RI KʼO CHWÄCH RI ACHBʼÄL: Jun demostración chrij ri xqʼaxaj ya Angelina.

c RI KʼO CHWÄCH RI ACHBʼÄL: Jun demostración chrij ri xqʼaxaj ya Priscila.

d RI KʼO CHWÄCH RI ACHBʼÄL: Jun demostración chrij ri xqʼaxaj Jack.

    Wuj pa Cakchiquel rchë Sololá (2018-2025)
    Rchë yatel äl
    Rchë yatok
    • Kaqchikel occidental
    • Rchë natäq äl
    • Ri más nqä chawäch
    • Copyright © 2025 Watch Tower Bible and Tract Society of Pennsylvania
    • Rubʼanik naksaj ri qa-sitio
    • Rubʼanik nchajïx ri a-datos
    • Rubʼanik nchajïx ri a-datos
    • JW.ORG
    • Rchë yatok
    Rchë natäq äl