Inlahen Meh Yěm Hòṅ Haköp Mat Ngih Kun Līpöre

Imat ngih līpöre nun nö kētu minë miröökö tövë-evkūö im tö hěng sakāmö, kētu inrē minë minkahtö elnang hī tö ṙô minë miröökö. Mihôiṅ man hakööpö u ip ṙētak lōn meh. Pōyen yip tö ööire nö el peuheū nö hakööpö u. Pön mihôiṅ cha-a nö fēkö minë haköp re irôtòng ngam sakāmö. Yöölen takô ayī-ö yěi holṙô re tö mikūönö re öi vë-ekūö u. Sā inlahen më hol hī el Pētěl nö holṙô re nö kakken u yěn nasta nö el peuheū.

Lökngörit in minë Chūökamahati (w) lamöktö kūö im Ĕprěl 2022 söl im Māch 2023 nun minë töhakööpö nö kē-ě. Minë raneh nömpöör, vamë-eny ngam samyeūheu tö ngam chingëṅt anū-ö, ngaich ngam unôichrit e nö vamë-eny ngam pěch nömpöör tö minë perekrāf anū-ö. (Ngëichkö ngam inchōḵ elmat lataṙeū.) In u min më-eṅ öm teūngen tö minë ṙamūöhtö mikahelnang meh tö ṙô ngam tövë-evkūö im töhěng sakāmö.