“Yih An Yēḵ Ngam Pūlngö Meh”—Ṙô Yip Tö Lāku Ṙôken Yěn Vë-ekūötēv
Löktökūö misī tarik tö lāku ṙôken nö ngatī ṙô yěn vë-ekūötēv “Yih an yēḵ ngam Pūlngö meh.” Kūö yòh cha-a nö ngatī ṙô nö vë-ekūötēv? Pön ngatī ṙô ang Yēsū nö tölṙô yik haköptöre nö havëkö ngam Pūlngö ngam Tēv.
Öt uroh yik haköptö Yēsū nö ṙòkhöre mikah elnang tö minë vahënyö ò inlahen ngam Pūlngö ngam Tēv. Hěngheuh cha-a nö hatöönö Yēsū nö ngöṙô: “Mā; ngaich Öm töngamuh havantö ngam pūlngö in Israĕl?” Öt halööknyôre pöri ang Yēsū nö sapṙô cha, lökten yik haköptö ò nö pingangkūö. (Inlahen 1:6, 7) Töngö manah hòng pöri ngaich angū-ö tö hī min öt akahakūö tö ngam Pūlngö ngam Tēv hēk töp yanīhi e inrē? Öt kūö e nö ngatī!
Kētu sanapṙô nun min në intöönö nö in ngih Chūökamahati:
Kūö yòh öi hòṅ lōnu tö ngam Pūlngö ngam Tēv?
Achīö öp min Rācha ngam Pūlngö?
Ihē öng min ngam Pūlngö nö hayöng nö ing panam?
Asuh nup min yanöölen tarik nö lökten im Pūlngö ngam Tēv?
Kūö yòh öi hòṅ löktökūö töngamuh öi lā rītö ngam Pūlngö ngam Tēv?
Asuh öng ngam Pūlngö ngam Tēv?