Köpölōn Man Tö Yāvē Örheūheu

Hōtu in urěhlö minë la-en ngam Tēv inup töng sitih la-enre. Lohten pöri ayī-ö kihngen öi urěhlö ngam pūlngö yēḵ hī öt lööṙen teūngen tö kinmānö re. Höng hōḵ lohten ayī-ö tö nup töng kinmānö taneūngen re pôrò anū-ö nö töt sāta nö i kuilōn ngam Tēv hēk öt ṙētakvö inrē ayī-ö öi löklōn ò. Ötkô pöri ayī-ö ngatī inlahen. Hòṅ ṙinātu ellōn ayī-ö in Yāvē tö ò min nö hameuktö ngam minhôiṅyöre nö in cha yip kumheūttö ellōn re “nö lā in ò.” (2Kin 16:9) Öthěng tak tökô nö asökngö inlahen Yāvē nö hayööken hī. (Rō 8:32) Lökten ayī-ö hòṅ ṙinātu ellōn in Yāvē yēḵ hī kēḵ nup töng sitih faisla re, ngaich iṙūöhen inrē öi löklōn ò.—Sal 16:8.

NGËCHKÖM VITIŌ YÖHOVĀ KĒ LIYĒ TÖN-MÖN SĒ KĀM KÖRŌ, NGAICH SAPṘÔ NË INTÖÖNÖ:

• 

  Kūöyòh ang Chēsön nö sōḵ nö michūḵṙen nö kēḵ rupīö?

• 

  Sitih inlahen öi min kēkö kaha ṙô ngam Kòlòsī 3:23?

• 

  Sitih inlahen ang Chēsön nö tövai nö inchōḵ elmat Tômös?

• 

  Sitih inlahen öi min kēkö kaha ṙô ngam Mëtiv 6:22?