Ṙinātu-ellōn Im Tököp Hanangenlōn Yāvē Tö Meh

Tö pōiṙāi man öm imat Yāvē. (Isa 43:4) Tūökten meh anga-aṅ nö in re hēk hanôlhöt meh nö el ngam söngkötön re. Ik sā meh öm kētöre öm vōkö hēten e më-eṅ öm kētöre in Yāvē. Lökten inrē anga-aṅ nö chumkūöṙen tö meh hē el ṙētak kanihngen. Ngaich löktö in ngam söngkötön re anga-aṅ nö hameukten ngam töt chanuhuvṙen hanangenlōn re.—Sal 25:10.

Mihôiṅ in öi ṙūöhlö minlēḵṙen re tö ngam tököp hanangenlōn Yāvē yēḵ hī öi fēkö minë inlahen tī ngam söngkötön nö hayööken hī hē nuk töng faltöre kanihngen inuk i-a samyeūheu.

NGËICHKÖM VITIŌ RIPŌT NGAM KÔTINĒTÖR KÖMITĪ IM 2019, NGAICH SAPṘÔ NË INTÖÖNÖ:

• 

  Sitih inlahen tī ngam Kôtinētör Kömitī nö hayööken ngam mupakö òfis nö hīnöre tö nup töng faltöre pinlāḵngen?

• 

  Asuh nuk inchöngten tökētu tö ngam söngkötön Yāvē hē ök pinlāḵngen i Intonēsiā hēk Naichiriā inrē, hēk sitih sinöömngö minë rilīf inrē?

• 

  Asuh nup lanökngöre meh in minë halēnlö ngam söngkötön hē ngih COVID-19 invah?