Chumkūöṙen Öm Ṙung Ngëichkö Tī Yāvē Nö Sapṙô Meh Yěm Vë-ekūötēv?

Pōyen minë inchō-elmat hī imat ngam Paipöl inlahen yik tarik ngam Tēv yěn vë-ekūötēv. Mihôiṅ in öi haköp inlahen cha, nö asuh nuk ṙô cha nö vë-ekūötēv hēk sitih inlahen ang Yāvē nö kētö sanapṙô cha. Ik sā cha nö meuk inlahen Yāvē nö chumkūöṙen tö cha hēk hayööken cha inrē, öt löktu lohten cha-a nö öt ngönlöre ṙinātö-ellōn. Lökten ayī-ö inrē hòṅ halööknyô re tö nup havëkö re in Yāvē ngaich chumkūöṙen öi ngëichkö inlahen tī ò nö kētö sanapṙô hī. Pi-a min ang Yāvē nö öt sā öp lōn hī tī nö kētö sanapṙô hī hēk höng löö nöng mööḵlö nup tī ò inrē nö kē-ěkūö hī. (2Kò 12:7-9; Efi 3:20) Asuh nup rih mihôiṅ tī Yāvē nö sapṙô hī?

• Kētö kumlēḵ hī anga-aṅ öi lā-al minë kanihngen re, hayööken hī inrē ṙūöhlö ṙôken ngam ṙinātö-ellōn re.—Filip 4:13

• Kētö mikah hī öi löngö atöllö.—Yāk 1:5

• Kētö kumlēḵlōn hī öi la-evṙen.—Filip 2:13

• Yěn ōt nup piṙūtkö hī ngaich kētö lanāmö elkuilōn hī anga-aṅ.—Filip 4:6, 7

• Löktö in yip tahëng nö hayööken hī, hareuskö alaha hī inrē.—1Yô 3:17, 18

• Hayööken yip tö vëḵlöng kui tö hī.—Inl 12:5, 11

NGËICHKÖ NGAM VITIŌ “HAMANG VINË-EKŪÖRE” AN YĀVĒ, NGAICH KĒTÖ SANAPṘÔ NË INTÖÖNÖ:

• Sitih inlahen öi min ngönlöre yěi fēkö inlahen Prötör Simichū, yēḵ hī öt sā kumlē-en re sin ik urěh tö kūö hī öi vāhavö?

• Asuh nup kô-òren la-en hī sā inlahen Prötör Simichū?