Hang Ṙô Minë Ôtiō Rikòting Ngam Paipöl Öm Ṙung?

Asuh öng ngam ôtiō Paipöl? Ôtiō rikòting ngam Niū Vöölt Translēsön Paipöl an. Ngaich an min nö ōt nö in minë tahëng ëlô. Ngam maheuk hī tövai nö in e pön kö harīkngöre më tarik ma-asīnkö ṙô më tarik aṅmat ngam Paipöl. Lööngö chūök ṙô inrē cha-a nö kumlēḵlö ṙô re hēk hakūöntö ṙôktô re. Lökten öi lööṙen mikah elnang tö ṙô ngam Paipöl.

Asup yanöölen yip hamang ngam ôtiō Paipöl töngamuh? Pōyen yip ngaich tö ööire nö örheūheu nö hang ngam ôtiō rikòting ngam Paipöl. Pön yih ngam kumchikṙô cha nö haköpmat ngam Paipöl, lööṙen inrē cha-a nö asehkūöre tö inlahen yik tarik tönuk inlahngen cha inrē. (Inch 4:5) Ōt yip inrē tö inu tö nup kanihngen re ngaich yēḵ cha nö hang ngam ôtiō rikòting ngaich teūngen cha-a tö hanöhlöre.—Sal 94:19.

Lökngöre ellōn in ṙung öi hang ṙô yip mahaköp ngam Paipöl yěn pōiti ṙô nö vë-ekūö e. (2Kin 34:19-21) Yěn ōt nup līpöre hēk ôtiō rikòting ngam Paipöl inrē nö i ëlô meh, kēnyö ṙētakre öm ṙung hāngö u?

NGËCHKÖ NGAM VITIŌ ÒTIŌ RIKÒTING NGAM PAIPÖL—RAHËICHTAMAT, NGAICH KĒTÖ SANAPṘÔ NË INTÖÖNÖ:

Asup yanöölen meh öm löktö im ôtiō rikòting ngam Paipöl?