Vënyö ngam Inhānga In Yip Tarik Ngaich Ṙamlōn

Tövai an ngam inlahen hī yěi urěh höng vī yip tarik nö holre yip vahë-eny nang hī tö ngam tölöök inhānga, tö lööṙen inrē angū-ö nö ranehnyô hī. Kò-en pöri ṙung öi hēṙu vöö öi ṙěhnyô re, pöi ngö ṙô lōn sitih ṙô öich vö min kakkö ṙô ngam Paipöl. Tövai pöri ngam inlahen hī yěi ui yahlö mufē tö ṙô re öi vë-ekūö cha, hòṅ hameuktöre pöri öi chumkūöṙen tö nup mufē cha. (Mët 22:39; Filip 2:4) Asā rô-òtö ṙô hī min öi vë-ekūö cha ngaich möl mihôiṅ öi kakkö ṙô ngam Paipöl. Ōt ngöre inrē minë pöplikēsön tö mihôiṅ nö kētu tö hī.

Yěn ōt yip tarik vahë-ekūö meh öm el fīlt mahatön nup intöönö nö in meh, ngaich sitih inlahen tī min më-eṅ öm yūs në pöplikēsön, në chehetī hī öi ahānga, öm kētö sanap ṙô nup intöönö?

NGËCHKÖ NGAM VITIŌ “HAKEUT VËT ÖN NGÒH VËT”—RANEHNYÔ HĪ YĚI AHĀNGA, NGAICH KĒTÖ SANAPṘÔ NË INTÖÖNÖ:

Asuh nup ihih tö lūöikangen inlahen tī hī öi ṙūöhlö heuneū-enre öi vë-ekūö tarik?