SĀ TINRĪKEN KRISTĪÖN

Hayööken Yip Töt Ṙamatö-ellōnre nö Im Tēv nö Mikahtökūöre tö Yāvē

Hēṙu in mihôiṅ ngölōn, ‘öt yanööluṙen in yěi vë-eny nang më töt ṙamatö-ellōnre nö in minë tinlööken, pön höng öt hangṙô hī min cha-a.’ Hòṅ köpölōn pöri ayī-ö tö yip rīkre sin tö ngatī inlahen nö vītöre ngaich nö Vamënyen Yāvē. Hòṅ hayööken cha pöri ayī-ö öi vë-eny nang cha tö ngam Tēv nö ōt.—Rō 1:20; 10:14.

NGËICHKÖ NGAM VITIŌ KÖPLŌN—MIHÔIṄ ÖN NGÒH TARIK NÖ ṘATÖ-ELLŌNRE NÖ IN YĀVĒ!—PÒRÔ SIN NÖ TÖT ṘINĀTU-ELLŌN, NGAICH KĒTÖ SANAPṘÔ NË INTÖÖNÖ:

Asūp haköplö meh im ekspirīön Tomasō nö vë-eny ngam tölöök inhānga nö in yip töt ṙamatö-ellōnre nö im Tēv?

Sanapṙô

Sitih inlahen öi min?

Yěn ōt yip vamë-enyre nö öt ṙātö-ellōnre nö in ngam Tēv, sön pöri ayī-ö öi höng hòṅ hameuktö hanangenlōnre tö cha. Hòṅ chumkūöṙen öi hangihtö ṙô cha ngaich mikahtökūöre tö cha nö kūö yòh nö ngatī mufē. (2Ti 2:24) Kakken nup ööilōn cha ayī-ö tòpik. Hōḵ hòng anga-aṅ nö kakkö inlahen minë tö hameuknyu, minë löktö ṙinātö-ellōn yip tahëng tö ngam vamī-i hī nö ōt? Yěn heūṅ, ngaich hameukhömat ò tö minë pöplikēsön hēk vitiō inrē, minë tö angū-ö chö-öny inlēnlö. Tö sā ngam kun līpöre Ranehlö Ngam Nômö—Taneui Intöönö Mikahtökūöre Tö Sanapṙô. Ngaich ön ngih kun līpöre nö ōt nö el minë chehetī mahaköphöti, pöi hōtu öi lööṙen hameukhömat yip tahëng tö u.

Lohten min öm pa-ekūö yěm fēkö inlahenre öm hòṅ vë-eny nang yip töngatī inlahen. Mihôiṅ pöri öm havëkö inyöökenre in yip tö heuveū-en prötör sistör. Rö-ö nöng angū-ö, pön hayööken meh inrē ang Yāvē öm teungta in yip tarik yāichö ellōn, pòrô sin cha-a nö töt ṙamatö ellōnre nö in ngam Tēv.—Inl 13:48.