5-11 ÒKÖST

SALMAI 70-72

Tinköökö 59 ngaich Vinë-ekūötēv | Töhakööpö Min (1 min.)

KANÒLÔ AṄ IM ṘÔ NGAM TĒV

1. Vënyö Ngam ‘Kumlēḵ Ngam Tēv In Yip Yamih Min Tumköl Chap’

(10 min.)

Hē Tāvit misī nö römöng ṙālö, ngaich höng Yāvē chūök inyönglen ò (Sa 71:5; w99-HI 9/1 pěch 18 përa 17)

Pòrô ngaich ang Tāvit nö köiny sön ang Yāvē nö iṙūöhen nö hayööken ò (Sa 71:9; g04-HI 10/8 pěch 23 përa 3)

Hareuskö alaha yik ṙal tarik anga-aṅ nö löktö in nuk istōri inlahenre (Sa 71:17, 18; w14-HI 1/15 pěch 23 përa 4-5)

Angū-ö ön ngih mikūönö tönyātu nö in nuk urěh afta tö kētu nö in ngam pāt “Minë Ṙô Tötṙanāngen i Alaha Ngam Femilī Vörsip.” Havëten minā tö köinyö ṙēḵti pamīhöre cha-a nö el ngam Femilī Vörsip. Vënyö ekspirīön re minā pamīhöre hēk hameuktö minë nyat inrē, ngaich yihlöre kumchikṙen ngam mikūönö.

HATÖÖNÖRE MAN, ‘Achīö yip öreh tö kē-ě intörviv tö chu prötör sistör el ngam māṅ, in më tö marô-ònyen nö löklōn ngam Tēv hē el ṙētak femilī vörsip?’

2. Töhakööpö Töpōiṙāi

(10 min.)

Sa 72:8—Ngam kinlēngô Yāvē nö in Aprahām im Ranehlö 15:18 sitih inlahen angū-ö nö teungtakūö nö im inyööngö tö Rācha Sòlòmön? (it-1-E pěch 768)

Sanapṙô
Asuh nup töpōiṙāi haköplö meh in ngam tö vë-evkūö el ngih afta?

Sanapṙô

3. Miröökö Tövë-evkūö:

(4 min.) Sa 71:1-24 (th-HI Kun 5)

ṘŪÖHLÖ HEUNEŪ-EN RE IM LA-EN INHĀNGA

4. Rěhnyôre Öm Vë-ekūö Tarik

(3 min.) CHUH KŪÖ PATĪ AHĀNGA. Yěn yīhi tanāinyö ngam aṅpatī, höng havai ṙô re öm ṙāngô nā vë-ekūöre. (lmd lesön 4 point 5)

5. Havanröön Re

(4 min.) CHÖH LÖKNYÖ ṘÔRE AHĀNGA. Iṙūöhö ṙô öm vë-ekūö ngam aṅpatīre ngam tö vöö nö istötī ngam Paipöl. (lmd lesön 8 point 4)

6. Vënyö Ngam Ṙinātö-ellōnre

(5 min.) Minkahten. ijwfq-HI 49—Kui Minkahten: Kūö Yòh Aich Vë Vamënyen Yāvē Nö Tūfömlö Ngam Mikah Elmatre? (th-HI Kun 17)

SĀ TINRĪKEN KRISTĪÖN

Tinköökö 76

7. Sitih Inlahen Öi Kēken Ngam Femilī Vörsip

(15 min.) Holṙô re kakken u.

Holṙôre ngam mikūöngö nö prektis minë tinköökö nööiyö Yāvē.

Holmatre cha-a nö meuk ngam JW Pròtkasting prōkrām.

In ngam Femilī Vörsip ngam nyīö kikānö nö holṙen ngam yöngre kikānö nö prektis ṙô nö kētö sanapṙô minë intöönö.

Tötṙanāngen an ngam Femilī Vörsip nö kēkaṙen tö minë mikūönö. Pön hē-e më nyīö nö haköptu tö minë kuilōn Yāvē hēk mikahtu elnang inrē. (Efi 6:4) Rö-ö in pöi mā-ainyre öi haköp minë kanô-en aṅmat ngam Paipöl, hòṅ vī ngam Femilī Vörsip pöri ayī-ö nö chūök më nyīö nö kuchiken hēk lōnu inrē tö cha nö hòṅ ṙūöhtö mikahkūöre tö ṙô ngam Tēv. (Yôh 6:27; 1Pī 2:2) Mihôiṅ më inyöngö nö löktö in ngam pòks “Inruntö Hī Femilī Vörsip” nö vaiyö tī nö haköptö më kūönre el ṙētak Femilī Vörsip hēk vī e inrē nö chūök cha nö kuchiken nö haköp. Kakkö inlahen ngam pòks, ngaich hatön më hamang:

Asūp lōn meh tö hòṅ kēkaren tö meh in minë tö kētu inchöngten hī?

Sanapṙô
Ōt hòng tahëng inlahen tī meh kēken ngam Femilī Vörsip tö yöölen tī tö meh?

Sanapṙô

INRUNTÖ HĪ FEMILĪ VÖRSIP

PAIPÖL:

Mihôiṅ öi hang minë ôtiō rikòting tö vë-evkūö aṅmat Paipöl, hönglö öi höng holṙôre vë-ekūö e öi pōitô. Mihôiṅ më aṅ el ngam mikūönö nö kahěngtak ṙô nö haköp mat ngam Paipöl nö asīnkö ṙô yik tarik aṅmat ngam Paipöl
Mihôiṅ öi halēnkö intöönö minë tö vë-evkūö miröökö el öp yamih afta. Mihôiṅ öi tölṙô më aṅ ngam mikūönö nö katöllö öp lōnre intöönö, ngaich chöh sanapṙô e. Ngaich yěn kēkaṙen hēk min ngam Femilī Vörsip urēhěkūö ngam mīting ngaich mihôiṅ cha-a nö vënyö nup haköplöre
Hatön öp töhěng intöönö hēk vënyö inlahen nup kanihngen tö mihôiṅ min nö yih nö lākūö hī hēk kò-òren öm chöh minë lökngörit chööngö aṅmat ngam Paipöl öm imat ngam līpöre Minë Ṙô Ngam Paipöl Inchōkūö Kristīön
Mihôiṅ öi asīnkö inlahen minë inlahngen aṅmat Paipöl öi vī trama
Mihôiṅ öi vī kāt (flash cards), heng lā öp miröökö ngaich tahengö la-a öp ṙô e, ngaich kalahtenre öm haköplōnre tö minë miröökö. Mihôiṅ öm ngëichkö në miröökö in ngam prōsör Hangenlōn Tö Tarik—Haköpten cha inrē, im tahëng ātiköl A. Kò-òren öm havantö matre ngëichkö nup kāt tö ha-ehangen vahīre
Mihôiṅ ayī-ö katöllö lōnre tö haköpre imat ngam līpöre Mihôiṅ Man Örheūheu Ṙamölōn!
Mihôiṅ öm tölṙô më aṅ el ngam mikūönö nö vënyö ngam töhěng ripōt in ngam jw.org in ngam seksön INKÖPHÖTI ṘÔ PAIPÖL im pāt (part) “Mikahtökūöre Tö Nup Sanapṙô Aṅmat Paipöl”

MĪTING:

Pripër öp töhěng pāt alaha minë mīting
Pripër nup sanapṙô re, harunkö ṙôre tö u hēk chumkūöṙen töp rò-òtö ṙôre yěm kēten u.
Harunṙôre tö minë tinköökö
Kò-òren öi kakkö nup ṙôre hēk harunṙôre inrē öi hareuskö alaha yip tahëng urěhěkūö ngam mīting hēk unôichrit ngam mīting inrē
Mihôiṅ inrē öi harūnöre tö minë istutent tôk el ngam mikūönöre

LA-EN INHĀNGA:

Harūnöre chuh kūö patī ahānga
Harūnöre im invanröön chinööha
Kò-òren öi chöh nup tahëng talöökö ṙôre öi vë-enynang yip tarik tö ngam tölöök inhānga. Harūnöre öm ṙamlōn kūö hēk holtö hanangenlōnre öm rehnyôre vë-ekūö öp tarik
Yěn yih ngam ṙētak ngam Memorīöl hēk tö minë chutti më mi iskul hēk tö më kamman, ngaich mihôiṅ më aṅ el ngam mikūönö nö kakkö inlahenre nö sitih inlahen nö ṙūöhlö alahare nö in ngam la-en inhangköm tölöök inhānga hēk vī minë chö-öinyre

LŌN NGAM MIKŪÖNÖ:

Harūnöre lā-al minë yamih kanihngen. Tö sā në, yěi kihngen kē lā-are, yěi hayë-e, yěi timlöng alaha tēting (dating) hēk in minë la-en ngih panam inrē
Yēḵ hī harūnöre lā-al në tö ngatī kanihngen. Ngaich mihôiṅ më nyīö nö ichūök më inyöngö hēk mihôiṅ më inyöngö nö ichūök më nyīö. Mihôiṅ më nyīö nö risöch në tö ngatī inlahen ngaich kakken u nö in minā yöngre

INLĒNÖ:

Meuk minë JW Pròtkastingprōkrām, ngaich kakken u
Haköp minë ātiköl hēk meuk minë vitiō tö kētu nö el ngam jw.org, ngaich kakken u
Mihôiṅ öm ngëichkö ngam ātiköl hēk tö minë inruntö më “Nyīö hēk tö më Ṙāl Tarik” in ngam seksön INKÖPTÖṘÔ PAIPÖL el ngam jw.org
Nup kahūichngö meh nōts el ṙētak könvensön hēk esemplī mihôiṅ më-eṅ öm kakken u
Chumkūöṙen tö minë tövīlöng hēk rīsörchö u, ngaich kakken minë haköplöre inlahen Yāvē
Mihôiṅ öm hēṙu havëtö yip tahëng nö in yīö femilī vörsip hēk kē interviv ò
Vī nup tahëng chö-öinyre tö nôlhöt nö i linökö lōn ngam Tēv hēk kakkö inlahenre mihôiṅ öm sitih inlahen teungta in u
Holṙen re öi vī öp töhěng mòtöl, tö sā ngam chōng Nō-a, minë mëp hēk tö nup chāt (chart) inrē

Meuk ngam VITIŌ Halēn Ngam Femilī Vörship Hôiṅ Kuchīken Öi Kēken E. Ngaich hatön më hamang:

Yěn öt nyī-öv el ngam mikūönö, ngaich sitih inlahen minā inpīhö kikōnyö hēk inpīhö kikānö nö vī ngam Femilī Vörsip nö chūök cha nö kuchiken?

Sanapṙô

8. Inkööpöṙô Paipöl el Ngam Māṅ

(30 min.) bt-HI lesön 13 përa 17-24