Akahakūö Öm Tö Ngih?

Kūöyòh Ang Yāvē Nö Halöngten Yik Israel Nö Kamayē-ě Tö Ngam Nyö-öṅ Hēk Töm Pumpa Yěn Kētö Tökētu?

VËNYU misī nö imat ngam chööngö Môsös, tö yik Israel nö mihôiṅ nö kumtö nyö-öṅ hēk höng löö nöng pumpa yěn hòṅ kētö tökētu. Hō-ov nyöre anū-ö. Yěn öt ōt ngam nyö-öṅ ngaich mihôiṅ ngam pumpa nö ṙënngen e. (Lēv. 1:14; 12:8; 14:30) Kūöyòh nö yöölen tī ngam töngatī chööngö? Pön öt lööṙeb cha-a nö teūngen tö nyö-öṅ. Kòö yòh?

Mahavötaröön nun në nyö-öṅ nö chehechōn. Höng hē el ṙanāchö misī anū-ö nö iyöng Israel. Yěn yih ngam Òctopör chingëṅt, tahëng ngö chūök re anū-ö ngaich havan hē el ngam spring. (Tin. 2:11, 12; Yar. 8:7) Lökten nö kihngen më Israel yěn hòṅ kētö nyö-öṅ nö tökētu hē el laneūichö.

Yēḵ hī pöri ngëichken minë pumpa, hö-ö anū-ö nö mahavötaröön. Lökten nö lööṙen më Israel nö teūngen tö u. Ōt inrē yik maharukö u nö i patī re. (Ngëickö ṙôm Yôhan 2:14, 16.) Sā ṙô ngam līpöre Bible Plants and Animals, “ṙòkhöre minë village i Pelestāin nö haruk pumpa. Vī chūök minë chehechōn cha-a nö i kaha nuk patī re.”—Ngëickö ṙôm Isayā 60:8.

Halöngtuṙen yik Israel tö Yāvē nö kētö minë chehechōn nö tökētu, minë töng ōt nö in cha. Hameuktö hanangenlōn re hēk chumkūöṙen re ang Yāvē tö cha .