Kē Minë Inlēnö, Vī Ngam Inköpö Nö Kumchikṙen

Kuchiken öm më-eṅ yěm haköp inlahen tinrīken më prötör sistör?

Nā tö nëtak pamīhöre örheūheu cha-a el peuheū nö haköp inlahen tinrīken, ngöṙô cha-a, “ṙāmlōn ai öi vë-ekūö u pò ai teūngen tö inreuslöre. yēḵ ai haköp inlahen yip tö ṙōlkangen prötör sistör ngaich meūk ai öp tö yòh kanihngen nö yih nö ikūö ai mihôiṅ ai öi chiplö i linöökölōn ngam Tēv.” Ngöṙô tī ök ihih tö hěngtak sistör, “kô-en ön nö lökngöre tī mine inlahen tinrīken pò hī öi teūngen tö nganöönöre hēk hanöhlöre inrē, lökngöre inrē ngam elkuilōn ih! Meūk inrē chū-ö tö më prötör sistör pön rö-ö cha-a nöng ngöti inhahen nö i linöklōn ngam Tēv pön ōt ngam chööiny cha nö la-evṙen, ngaich angu-ö löktö kūilōn chu öich ruhtö inlahenre öich i linöökölōn Yāvē hēk hayööken me kūön re inrē hòṅ cha nö ngötī inlahen nö ketö retak re nö i linöökölōn ngam Tēv.”

Teūngen inrē min më-eṅ tö inreuskö alahare yēḵ öm haköp në Inlahen Tinrīken öm vī ngam tö hòṅ kēkaren la-enre, lökten më-eṅ öm lā-al minë ötkumlēḵ-en re, ngaich holtö ṙanamlōnre öm lā-al minë kanihngenre Isuh öm min haköp në Inlahen Tinrīken?

• Mihôiṅ man öm vë-ekūö e imat ngam jw.org hēk in ngam JW Laëprërī “Inlahen Tinrīken më Vamënyen Yāvē”

• Chöh ngam “Inlahen Tinrīken më Vamënyen Yāvē” öm el ngam Chūökamahti Laëprërī hek Chūökamahti ONLINE LAËPRËRĪ.