Inlēnö Hī Haköp
Holtö Ellōnre Tikök Ngam Tinköökö Nööinyö Yāvē
“Hēru chū-ö öich haṙivlōn. Löktö in minë tinköökö JW Pròtkasting pöri ang Yāvē nö kētö inreuskö alaha chu.”—Ṙô Lorëns ngam mi-iyöng Amërika.
Löktökūö misī yin më Kristīön nö löktö in minë tinköökö nööinyö Yāvē nö ha-öinyö ò. (Kòl. 3:16) Töi harūnö re chěi öi haköplōn re tö ṙô minë tinköökö. Pön sitih yěn hö-öv minë līpöre tinköökö hēk öt ōt inrē nö el fūn meh, ngaich kò-òren min öm höng tikök nup tinköökö kanöplōnre. Töi kalahten re öi asīnkö në inrūntöre öi haköplōnre tö u:
Chumkūöṙen tö ṙô ngam tinköökö ngaich akaha elnang tö manah ṙô u. Yēḵ meh akahakūö tö ṙô öp minkahtölōn, ngaich lööṙen öi köplōn tö e. Teūngen man min tö ṙô kinūichö minë tinköökö (Pròtkasting tinköökö hēk tö minë tinköökö më nyīö) el ngam jw.org. Teūngen inrē min öm el ngam Laëprërī seksön lā tareū ngam tinköökö.
Kūich ṙô minë tinköökö. Yēḵ meh kahngenre kūich ṙô minë tinköökö, ngaich ṙūöhlöre kanöplōn hēk min më-eṅ tö ṙô u.—Chöö. 17:18.
Haköplōnre töṙô ngam tinköökö. Ṙōlheuh ṙô öm haköp ngam tinköökö ngaich tikökṙô re tö e.
Töi ngëichkö öp kanöplōn meh. Um meuk ṙô re tikök ngam tinköökö hēk ngëichkö ṙôken kanöplōnre.