Vë-eny Nang Yip Tahëng Tö Nup Haköpre

Ṙamölōn takô in ṙung yěi teūngen töp tövai haköpre yěi vë-ekūö ngam Paipöl. Mötlö ṙanamlōn pöri ayī-ö yěi vë-eny nang yip tahëng hēk töm haköpre. Ngö ṙô ön ngam Inchōḵ-oṙô 11:25 nö vënyen e: ‘Ngòh tarik kamëtö haneuhlö holre, teūngen inrē anga-aṅ tö haneuhlö nômöre.’

Yěi vë-eny nang yip tahëng tö nup haköpre ngaich lööṙen ayī-ö öi köpölōn tö u hēk ṙūöhlöre inrē ngam mikah elmat hī tö u. Akahakūö in tö yip tahëng min nö yöölen nö lökten in në ṙô, lökten ṙung öi ṙamölōn yěi vë-eny nang cha tö u.—Inl. 20:35.

Ngö inlahen man: Vë-eny nang yip tahëng man holre tö nup haköplöre. Mihôiṅ öm vënyen u el ngam mikūönöre, el ngam māṅ, ichūökre öm kamān, hēk el iskul. Vënyen u inrē in yip lāchīrö re, vënyen u inrē yěm ahānga. Kalahkenre öm lööṙen ṙô hēk vaiyö inlahen ṙô öm vënyen u.

Köpölōn: Hòṅ reuslöre alaha tī më-eṅ tö yip tahëng yěm vë-eny nang cha tö nup haköpre. Um kūöre pöri höng hòṅ eū eu tö cha.—1 Kòr. 8:1.