Mihôiṅ Man Teūngen Töm Inlēnö Re Aṅ In Ngam Tēv
“Ṙòkhöre nun në töhet līpöre nö tö uhômhötvö nö ellōn tö ngam Tēv.” (2 Timôtī 3:16) Kūö yòh öi mihôiṅ ngatī ṙô? Urěhěkūö tö köṅnyu samyeūheu nö chaphöt minë elkuilōn re anga-aṅ nö in yip tarik. Ngaich kūichngen u cha-a. Ngaich minë töng kahūich cha, ṙòkhöre anu-ö nö tö uhômhötvö tö ngam Tēv.
Lōnu ngam Tēv tö Hī öi Haköp In ò
“Chū-ö chin Mā Tēv . . . öich mahaköpten meh hôṅ meh kanôluṙô, öich mahachō-o meh el öp hinôtö meh talöökö lahök meh. Hangṙô chu man öre i minë chöngö chu! Ngaich öre ngam lanāmö in meh nöng sā tahël, ngam lanöökö meh inrē nöng sā mahūvö ngam mai.”—ISAYĀ 48:17, 18.
Lōnu an ngam Tēv tö hī öi teūngen tö lanāmö elkuilōn re ngaich örheūheu öi ṙamlōn, hayööken hī inrē anga-aṅ öi teūngen tö u.
Minë Töng Kahūichhöt Ngam Tēv Mikahtökūöre Ayī-ö
“Hòṅ urĕh pöri sin, ngam tölöök inhānga nö ahangka, nö i vē taṙòkhöre tarik.”—MĀKÖS 13:10.
Ngam tölöök inhānga ön tö ngam Tēv min nö ha-atngen në kanihngen ngaich vī ngih panam min nö Peretāis sā öp panô-òṅ. Ngaich yip holmaneuk hī ṙamāngen hī tökapah, ha-aṅlöng min cha-a. Keuheūtngöre chūök yin më Vamënyen Yāvē nö ha-angken ngam Tölöök inhānga.