MIRŪLÖ 1
Sitih Inlahen Öi Yĕi Hòṅ Hangihtöre tö ṙô ngam Tēv?
Ngam Paipöl an löktö ṙô ngam Tēv nö vë-ekūö hī. 2 Timòtī 3:16
Ngam Tökô-en Tēv an tamölṙô yik tarik nö kūich minë ṙô ellōn ò nö imat töhet līpöre. Ngam Paipöl tö ṙô. I mat e nup tötṙanāngen minkahtölōn nö hinôtö meh töm Tēv öm akahakūö.
Ngam Tēv an tö akahalōn tö nup tö yöölen tī tö hī, anga-aṅ inrē löklö nup taṙòkhöre mikah. Lökten im hināngö ṙô ò man min kò-en akaha.—Inchōḵ-oṙô 1:5.
Lōnu an ngam Tēv tö taṙòkhöre tarik ikūö ngih panam, nö vë-ekūö mat ngam Paipöl. Ōtre an töngamuh nö itö ṙōlkangen ëlô.
Yēḵ meh hòṅ hang ṙô ngam Tēv, ngach hòṅ vë-ekūö ngam Paipöl me-eṅ öm holtö mikah elnang re.
Keuheūtngör chūök an töngamuh ngam ṙô ngam Tēv nö hāngö. Mëtiv 28:19
Mihôiṅ yin vē Vamënyen Yāvē nö hayööken meh öm akaha elnang töṙô ngam Paipöl.
Keuheūtngör chūök yin nö haköptö ngam kanô-en inlaha ngam Tēv nö i në taṙòkhöre panam.
Öthō man ṙāyu inköpti. Mihôiṅ man inrē haköp inlahen ngam Tēv el minë chūök manūlö yip Vamënyen Yāvē minë tö kamlö nö ikūö panam meh.