MIRŪLÖ 3
Sitih Tinrikngen Nuk Misī Aṅkūö Ök Peretāis?
Ṙōl mihëṙö nuk tölöök kine-ekūö nā Ātöm nā Ēva töm Tēv Yāvē. Ranehlö 1:28
Vīlen Ēva ang Yāvē ök raneh kikānö, ngach kēten ò nö pīhö Ātöm.—Ranehlö 2:21, 22.
Vīlen cha Yāvē nö töhëtö elkuilōn, alaha inrē, nö öt hanaktuṙen.
Elyööngö cha ök misī Peretāis el ök panô-òṅ Ēten—ök chūökö tökirööngö lanöökö, tö aṅhav kūö tö tahël, chōn tö ṙòngu, tö nuk töṙeūla inrē.
Vë-ekūö cha ang Yāvē; haköpten cha inrē. Yēḵ cha öre nö hang ṙô ò ngach örheūheu chā-a nö aṅ nö el ök Peretāis.
Höng hĕng hang maha ök chōn tö sōtu nö nyā-aṅ ṙòng töm Tēv. Ranehlö 2:16, 17
Hameukhömat Ātöm nā Ēva ang Yāvē tök töhĕng maha chōn el ök panô-òṅ ngach ve-eny nang cha tö cha yēḵ cha min nö nyā ṙòng ò kapah min chā-a.
Hĕng tak pöri ök aṅ in yik ma-aṅhānga lama-al ngam Tēv. Anga-aṅ an Satān tö ötlöök.
Öt hō-o lōn pöri ngam Sī-ö tö nā Ātöm nā Ēva nö hang chööngö Yāvē. Lökten ò nö talöökö ṙô tök pēch nö vë-ekūö Ēva tö ò min yēḵ ò nö nyā ṙòng ök chōn nö öthō min nö kapah, sāḵta pöri min anga-aṅ nö im Tēv. Höng ṙô minyôny ò pöri angū-ö.—Ranehlö 3:1-5.