Hang ṙô ngam Sī-ö Chā-a​—Asuh nuk Ṙòng ngam Inlahen Cha?

Halôngen chööngö ngam Tēv nā Ātöm nā Ēva, lökten cha nö kapah. Ranehlö 3:​6, 23

Hang ṙô ngam pēch ngach Ēva ngach nyā ṙòng ök chōn. Unôchngöre anga-aṅ nö kē-ĕkūö Ātöm, ngach nyā-aṅ e anga-aṅ.

Tövach an ngam kahëken cha​—pô e nö tökööl. Angū-ö lökten cha nö ha-ōnyu töm Tēv nö ṙa-ang el ök elyööngö re Peretāis.

Höng kanihngen nyöre ngach chā-a tö yik kūön cha inrē. Köinyngöre chā-a, ngach kapah. Rö-ö pöri chā-a nö chuh latulöng, pön höng öt ōt tit.

Höng sā pinṙōngö tumlat yin vē tökapah nö öt unhômuvö. Ranehlö 3:​19

Ṙën in ayī-ö kapah pô hī ṙòkhöre lamökngörit in nā Ātöm nā Ēva. Ötkô yin vē tökapah nö meuk ötrēhĕn nö hang ötrēhĕn nö kô nö la-evṙen.​—Mumkahten 9:​5, 10.

Öt lōn Yāvē ön tö tarik nö kapah. Lökten ò min nö ilööṙen nö hachohlö yip mahaṙòh nö ṙā-ang im kinpāha. Yēḵ cha nö hang ṙô ò, ngach örheūheu min chā-a nö aṅ.