Asūp Löktö Yanīhim Ṙanamlōn El Ngam Mikūönö?

SITIH ṘÔ ÖNG NGAM PAIPÖL

“Tökôlò yin vē hamang ṙô ngam Tēv, ngaich hakööpö e.”—Lūkös 11:28, THE HOLY BIBLE Car Nicobarese.

ASŪP MIN YANÖÖLEN MEH YĒḴ MEH AKAHAKŪÖ TÖ E

Sīöp min ngam tökô-en hanangenlōn el ngam mikūönö.—Efisös 5:28, 29.

Kò-en minlēḵṙen min tö höö.—Efisös 5:33.

Köp min ngam hinëngö nö el ngam mikūönö.—Mākös 10:6-9.

KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?

Heūṅ, ngëchkö në tö nët lāinyngen:

• Ngam Tēv an vamīlö në mikūönö. Vë-eny nang hī ön ngam Paipöl tö ngam Tēv Yāvē nö “töminënyu tö në taṙòkhöre miyööngö.” (Efisös 3:14, 15) Tö ngö manah angu-ö, tö në mikūönö nö ṙën nö ōt pön vīlen u ngam Tēv. Kūöyòh öi hòṅ akahakūö tö e nö ngatī?

  Sā meh öre yĕm nyā öp tökuchik nya-aṅkūö ngach hòṅ akahakūö me-eṅ tö nup hol e nö vī-i, achīöp min chūök meh hatön? Höng öp vamī-i e.

  Ngatī ṙēngen, yĕi hòṅ akahakūö töp löktö yanīhim ṙanamlōn el ngam mikūönö, ngach hòṅ hatöntöre ayī-ö in Yāvē, pò ò nö anga-aṅ vamīlö në mikūönö.—Ranehlö 2:18-24.

• Chumkūöṙen an ngam Tēv tö meh. Löktö im Paipöl tī an ngam Tēv nö halēn minë mikūönö. Yēḵ minë mikūönö nö hakööpö u kūöyòh angu-ö nö tölöng? Pò “[ngam Tēv nö] tö chumkūöṙen tö yīö.” (1 Pītör 5:6, 7) Lōnu an Yāvē tö hī öi höng lēn—kò-en nup inlēnö ṙama-ang in ò nö tö yöölen tī!—Inchōḵ-oṙô 3:5, 6; Isayā 48:17, 18.