Sitih Mat Öm Meuk Nup Yamih Ṙētak?

SITIH ṘÔ ÖNG NGAM PAIPÖL

“Ngaich chūtngö mak mat min [ngam Tēv], nö ṙā-ang i mat cha, öt ōtngöre min inrē ngam kinpaha, ötrēhĕn min miṙivlōn nö umuh, öt pineūnyu, öt chanööku nö hēkngöre; ngaich nuk raneh inlahen nö chuhngöre.”—Inmeukhömat 21:3, 4, THE HOLY BIBLE Car Nicobarese.

ASŪP MIN YANÖÖLEN MEH YĒḴ MEH AKAHAKŪÖ TÖ E

Öt chök alaha min öm la-evṙen, ṙamlōn pöri inup vahīṙen kuntī re.—Isayā 65:21-23.

Ṙānyuvö ṙa-ang inup töng sitih invah hēk kanihngen.—Isayā 25:8; 33:24.

Teūngen tö töt chanuhuvṙen ṙanamlōn hēk törheūheu-aṅ nômö holre tö yip aṅpatī re.—Salmai 37:11, 29.

KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?

Heūṅ, ngëchkö në tö nët lāinyngen:

• Mahateung kinlēḵngôre an ngam Tēv. Höng Yāvē an tönghĕng tak tövënyu töm Paipöl nö “Tökeuheūttöre Chööngö,” kūö ngam töt kūönguvö kumlēḵ ò. (Inmeukhömat 15:3) Lökten in mihôiṅ ṙinātu ellōn tö ò min nö hateungngöm kinlēḵngôre nö havailö ngih panam. Sā ṙô ngam Paipöl, “höng tökô nup tö keuheūttöre nö im Tēv.”—Mëtiv 19:26.

• Kūyulōn an ngam Tēv nö hateungngö minë kinlēḵngôre. Vë-eny nang hī ön ngam Paipöl tö Yāvē nö meūkken re nö hachohlö yip tarik tö ngach nö kapah.—Yōp 14:14, 15.

  Vënyu nang in inrē töm Paipöl tö Yēsū ngam kūön ngam Tēv, nö halanken yik tövahavö. Kūöyòh anga-aṅ nö ngatī inlaha? Pön kuilōn ò angu-ö inrē.(Mākös 1:40, 41) Hameukhömat hī anga-aṅ tö tinrikngen ngam yöng re nö hòṅ hayööken yik tö kihngen.—Yôhan 14:9.

  Lökten in mihôiṅ ṙātö ellōn in Yāvē in Yēsū inrē, tö cha nö hòṅ hayööken hī, hòṅ hī teūngen töm törheūheu-aṅ nômö holre töm töt chanuhuvṙen ṙanamlōn!—Salmai 72:12-14; 145:16; 2 Pītör 3:9.