Asuh öng ngam Pūlngö ngam Tēv?

SITIH ṘÔ ÖNG NGAM PAIPÖL

“Ngam Tēv ngam halīöngö min nö asöklö öp pūlngö öp töthētu nö payāyi min.”—Tanī-ĕl 2:44, THE HOLY BIBLE Car Nicobarese.

“In hī öp kikōnyö nyīö nö kētu; ngaich elranôṙö ò min öp inyööngö.”​—Isayā 9:6.

ASŪP MIN YANÖÖLEN MEH YĒḴ MEH AKAHAKŪÖ TÖ E

• Akahakūö töm tölöök inyööngö nö ōt, ngam tömihôiṅ min nö yöölen tī tö meh.​—Isayā 48:17, 18.

• Mihôiṅ min öm teūngen tö ṙanamlōn ikūöp yamih tufömngöre tövai panam, öm öt hĕngö invah.​—Inmeukhömat 21:3, 4.

KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?

Heūṅ, ngëchkö në tö nët lainyngen:

• Hameuknyö minë la-en ngam Pulngöm Tēv ang Yēsū misī. Hachōtô yik haköptöre ang Yēsū nö havëkö yanīhih ngam pūlngöm Tēv tö ngam kuilōn ò inrē nö hateūngiyö nö ing panam. (Mëtiv 6:9, 10) Hameukhömat hī ang Yēsū tö inlahen ngam vine-ekūötēv min nö kētu sanapṙô.

  Hē Yēsū misī nö ing panam, hanëḵlen yik tö ha-euk anga-aṅ, halanken tövāhavö, hachohlö tökapah inrē! (Mëtiv 15:29-38; Yôhan 11:38-44) I saha ò nö Rācha ngam pūlngö ngam Tēv min, hameukhömat hī ang Yēsū tö minë tövai la-en ò nö in yip tarik ngam pūlngö ò.​—Inmeukhömat 11:15.

• Inmeuktö ranöhta yanīhih ngam pūlngö ngam Tēv nun në ötlanööngö ikūöng panam. Ngö ṙô ök Yēsū, kinyūngö, inyāichö, kumyeūnö nup min umuh urĕhĕkūö yanīhih ngam pūlngö nö kumtö lanāmö nö ikūöng panam.​—Mëtiv 24:3, 7.

  Kòtamat in ngach öi meūkö u töngamuh. Lökten öi ṙātö ellōnre tö ngam pūlngö ngam Tēv ngach nö öt ṙôktörevö yanīhih nö ahetngö në kanihngen.