Eltī chiö takô öng ngih panam?

SITIH ṘÔ ÖNG NGAM PAIPÖL

“Ṙòkhöre ngih panam nö hulalhaka nö im tötlöök.”—1 Yôhan 5:19.

“Lökten ngam Kūön ngam Tēv nö hameuktu, pòn hōtu . . . nö luhngö la-en ngam sī-ö.”—1 Yôhan 3:8, THE HOLY BIBLE Car Nicobarese.

ASŪP MIN YANÖÖLEN MEH YĒḴ MEH AKAHAKŪÖ TÖ E

Akah elmat min tö löklö sanīöpö në kanihngen ing panam.—Inmeukhömat 12:12.

Öt katööngalōn min töng panam nö hēk nö vailöre.—1 Yôhan 2:17.

KÒ-EN ÖI RIH MIHÔIṄ ṘĀTÖ ELLŌN RE TÖ MINË ṘÔM PAIPÖL?

Heūṅ, ngëchkö në tö lūöi lainyngen:

• Ngach takô min ngam inyööngö töm sī-ö nö kē-ĕyö. Lēnngen ellōn an ngach Yāvē nö ha-etngen ngam inyööngö töm sī-ö nö ikui taṙòkhöre tarik. Kilēngôre anga-aṅ tö ò min nö ‘ha-etngö ngam sī-ö’ nö haṙënngö nup yanëḵngen hī tö tī ngam sī-ö.—Heprāi 2:14.

• Atöllöng Yēsū tö ngam Tēv nö racha nö i kui ngih panam. Öt sāḵ ngam sī-ö an Yēsū ngam töt milēḵ chanökhutī töng ngamëchköre inrē nö mahayöng. Lökten ngam Tēv nö kilēḵngôre töm inyööngö min tö Yēsū nö ngö ṙô: “Aṙē-ĕlōn an min tö yāich, tö-iyāich inrē . . . Kēnyö nômö cha an min ṙā-ang im inkihten, chanökhuṙen inrē.”—Salmai 72:13, 14, THE HOLY BIBLE Car Nicobarese.

• Ötkô an ngam Tēv nö minyôinyaṅ. Ngö ṙô ngam Paipöl: ‘öthōḵ ngam Tēv nö minyôinyaṅ.’ (Heprāi 6:18) Yēḵ ngam Tēv Yāvē nö ngach nö kilēḵngôre, sā töng ngach nö teung minë ṙô ò yĕn ṙônyu! (Isayā 55:10, 11) “Ngaich an min ngòh makūö panam nö ahōṙi.”—Yôhan 12:31.