Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Nicobarese
  • PAIPÖL
  • LĪPÖRE
  • MINË MĪTING
  • yc Lesön 4 pp. 10-11
  • Ṙamölōn Tī Anga-aṅ Tök Yöngre Kikōnyö Tö Yāvē Inrē

Öt ōt vitiō nö in ngih katöllö meh pāt.

Aṙēlen hī, öt taōnlōtngöre ön ngam vitiō.

  • Ṙamölōn Tī Anga-aṅ Tök Yöngre Kikōnyö Tö Yāvē Inrē
  • Inköptö Yip Kun Nyīö
  • Ātiköl Tö Sāḵta Ṙô Nö In Höö
  • Kinlēḵngô Yefta
    Haköplö Hī Töpōiṙāi Aṅmat ngam Paipöl
  • Ngönö Ṙinātö Ellōn Ang Yefta Nö In Yāvē
    Tinrīken Hī Kristīön Hēk La-en—Pustika Mumting 2021
  • Hateung Nup Kinlēḵngôre Yip Töchiplö Lamöklōn Yāvē
    Chūökamahati Ameūkö Ngam Pūlngö Yāvē (Töhakööpö)—2024
Inköptö Yip Kun Nyīö
yc Lesön 4 pp. 10-11
Ik sā ngam kūön Yefta kikānö nö ròmöng kunö kēnyö ṙētak re anga-aṅ nö in ngam kūön re

TÖHAKÖÖPÖ 4

Ṙamölōn Tī Anga-aṅ Tök Yöngre Kikōnyö Tö Yāvē Inrē

Vë-ekūö Yāvē ang Yefta, ngaich rönghëichṙen më kumyung Israel nö la-al më la-alre

Asuh öp ṙô Yefta nö kilēḵngôre nö in Yāvē?

Havan ngaich Yefta nö ṙa-ang im kinyungö, fūöllöre ngam kūön ò kikānö nö in ò

Öt lööṙen ök kikānö kūön Yefta nö hateung nuk ṙô ök yöngre

Meuk ngam kun kikānö öm in ngam nyat?— Kūön ök tarik an tö Yefta minënyi. Öt vë-eny nang hī ngam Paipöl tö minë-eny ò, akahalōn pöri ayi-ö tö ò nö ṙāmölōn tī tök yöngre tö Yāvē inrē. Ta-a chĕi töi haköp inlahen ò tök yöng ò inrē Yefta.

Tö akaha ök Yefta nö tarik, kamënyö ṙētak re inrē nö haköpten ök kūönre tö inlahen Yāvē. Hĕnghöre tökalēḵ ök inrē nö tarik, tö akaha inrē nö mahachōḵkūö. Lökten yik aṅ Israel nö tölṙô ò nö hachōkūö cha nö kiyung.

Vë-ekūötēv ngach Yefta nö havëkö kūö ngam Tēv tö minhôiṅyö cha nö kiyung. Kilēḵngôre anga-aṅ tö cha min yĕn mihôiṅ, ngach öp töng raneh min tarik kumnyi-inyre nö höngkūö ò nö i patī, anga-aṅ min tökētu nö in Yāvē. Ngach höng ngöhören min anga-aṅ nö la-evṙen nö el ngam inrūkui ngam Tēv asā rò-òtö nômö ò. Chūök yik tarik ön misī ngam inrūkui yĕn ha-öiny ngam Tēv. Kò-en ngach ang Yefta nö mihôiṅ! Akahakūö öm rih tök kumnyi-inyre nö höngkūö ò ik sā ò nö havan nö chuh patī?—

Heūṅ, ök kūön Yefta kikānö! Töng hĕng maneuk ök nö kūön ò, ngach pöri min Yefta nö hòṅ söömngen ò. Angu-ö lökten Yefta nö haṙivölōn. Akahalōn pöri ök kūön ò kikānö tö ò nö kilēḵngôre lökten ò nö ngö ṙô: ‘Pa-a, ngach man kilēḵngôre im Tēv, hateung ṙô re man yēḵ ngach.’

Chöhka anga-aṅ tö më holre; ngaich ngam kūön Yefta kikānö nö hamul chōn ngam vinë-ekūö ngam Tēv

Kaheuk samyeūheu, yik hol ök kikānö kūön Yefta nö chöhken ò

Rö-ö pön höng haṙivlōn inrē ök kūön Yefta. Pön yēḵ ò min nö la-evṙen nö el ngam inrūkui, ötkô anga-aṅ nö hapīhö hēk kūönuvö inrē. Kalē-ĕlōn pöri anga-aṅ nö hòṅ hateung ngam kinlēḵngô ök yöngre ane inrē hòṅ haṙamlōn Yāvē. Angu-ö tömötlö nö lōn ò tö ngam inlahen ò öre nö hapīhö ngach kūönu inrē. Lökten ò ngach nö ṙāngö patī re ngach chuh el ngam inrūkui nö iyöng asā rôtö nômö ò.

Ṙamölōn tī ök rih tö lōn meh tö ök yöng re tö Yāvē inrē?— Heūṅ, ṙamölōn tī ök! Ngatī man min me-eṅ yĕm hang chööngö yöngre ane inrē hangenlōn tö Yāvē, ngach mihôiṅ min öm sā inlahen ök kūön Yefta, öm ṙamölōn tī tö nap yöng re tö Yāvē inrē.

VË-EKŪÖ NË IMAT PAIPÖL MEH

  • I.Chööngö 6:4-6

  • Kamhôka 11:30-40

  • 1 Kòrin 7:37, 38

INTÖÖNÖ:

  • Achiö ök Yefta? Asuh ök ṙô ò nö kilēḵngôre?

  • Kūöyòh ök nö öt lööṙen kikānö kūön Yefta nö hateung ṙô ök yöng re?

  • Asuh nuk tö mötlö lōn ök kikānö kūön Yefta?

  • Sitih inlahen öm me-eṅ min yĕm hòṅ asīnken ök kūön Yefta?

    Ṙô Tarik Līpöre (2014-2025)
    Log Out
    Log In
    • Nicobarese
    • Söömhang
    • Prifrens
    • Copyright © 2025 Watch Tower Bible and Tract Society of Pennsylvania
    • Köntisön hī öi Yūs
    • Praivēsī Pòlisī
    • Praivēsī Seting
    • JW.ORG
    • Log In
    Söömhang