Um Piyū-uṙô Kētö Inlēnö

Sitih Inlahen Ök Yēsū

VITIŌ: Halēn Ök Tökôlò Tarik Ang Yēsū

1. Meuk ngam VITIŌ, hönglöö vë-evkūö ngam Mākös 10:17-22. Ngaich fēkö në intöönö:

1. a. Asuh nuk lohten tövai tinrīken ök tökôlò tarik nuk tö ngëichka tö Yēsū?

2. b. Kūöyòh ang Yēsū nö hòṅ īnu tö hanāngenlōn re hēk nganönöre inrē yěn hòṅ kētö inlēnö ngam tarik?

Asuh Öp Haköplö Hī In Yēsū?

2. Hòṅ holtö hāngenlōnre ayī-ö öi keuheūtnyö ṙô re öi vë-eny nang ngam mahaköp, tö nup inlahen ò yěn hòṅ kūö urěh.

Sitih Inlahen Öi Min Asīnken Yēsū

3. Hayööken ngam mahaköp nö sölta nö in minë chö-öny re.

1. a. Mihôiṅ öm hameukhömat ò tö minë “Chö-öny” imat ngam līpöre Mihôiṅ Man Örheūheu Ṙamlōn!

2. b. Hayööken ngam mahaköp nö akahakūö tö inlahen re yěn hòṅ sölta nö in minë tökūöṅnö hēk tökiröng chö-öny re.

3. c. Um vaichngö pöri öm eūḵ nup töng la-en kahëken ò.

4. Ngëichkö nup ma-asökngö röön ngam mahaköp nö kūö urěh, ngaich hayööken ò.

1. a. Mihôiṅ öm hatönöre:

   • ‘Asuh öp vöh lāinyngen ngam mahaköp nö öt kētöre nö im vinôkö?’

   • ‘Sitih inlahen tī öich min hēk mihôiṅ hayööken ò?’

2. b. Havëkö kūö Yāvē tö nganönö re, hòṅ meh keuheūtnyö ṙô re hēk holtö hanāngenlōn re inrē öm vë-eny nang ngam mahaköp tö nup töhòṅ kēkaṙen tö ò.

5. Yěn öt kūö urěh ngam mahaköp ngaich hòṅ ṙāngenre më-eṅ öm kēḵ istötī ò.

1. a. Fēken në öm ngëichköre yěm mihôiṅ öm iṙūöhen öm kēḵ istötī hēk yěm hö-ö:

   • ‘Asīnken minë haköp re ang ngam haköptö chu?’

   • ‘Yihtökūö hòng angā-aṅ nö el mīting hēk vë-eny nup haköp re inrē nö i tahëng?’

   • ‘Yěn ngaich anga-aṅ nö tö samyeūheuv rô-òten nö haköp, fēkö inlahen re hòng anga-aṅ nö hòṅ Vamënyen Yāvē?’

2. b. Yěn öt kūö urěh ngam mahaköp ngaich:

   • Tölṙô ò nö ngëichkö nup ma-asökngö röön re.

   • Holtö hanāngenlōn re öm mikahtö elmat ò tö meh öm kūö yòh öm sökngö inlahen re öm kē istötī ò.

   • Vë-eny nang ò me-eṅ tö ò yěn hòṅ havantö inlahen re min nö hòṅ kē-ě istötī ngaich hòṅ sitih inlahen anga-aṅ.