Hòṅ Ihē Öich Ṙāngôre Vë-ekūö Öp Tarik?

Ṙamlōn in ṙung öi vë-ekūö öp tarik öp tö pōi hatön. Yē ò nö kô-en nö hòṅ mikahtökūöre ngaich mihôiṅ öi iṙūöhöṙô öi vë-ekūö ò. Pò hī öi chamöh yip tarik ‘yip tö hō-olōn nö nômuvö tö ngam tö örheuheū-aṅ.”—Inl. 13:48.

Ngaich sitih inlahen pöri yěn tötainy öp tarik, hēk hòṅ lā-alkūö meh inrē? Sōḵ inrē lohten anga-aṅ nö vë-ekūö meh, sitih inlaha öm min? Haṙēmngenre më-eṅ öm ṙāngô nā an vë-ekūöre. (Inch. 17:14) Yēḵ meh min holtö mikah elmat re öm ṙô-òv köptī inrē tö ngam lanāmö, ngaich öthō min anga-aṅ nö öt hang ṙô meh inup yamih ṙētak.—1 Pīt. 2:12.