Sā Ṙô Meh Öm Vë-ekūö Holre

Sitih Inlahen Ök Filip

VITIŌ: Vë-ekūö Ngaem Aṅ Itīopīa Ang Filip

1. Meuk ngam VITIŌ, höng löö vë-evkūö ngam Inlahen 8:30, 31. Ngaich fēkö në intöönö:

1. a. Asuh ök löknyö ṙô Filip nö vë-ekūö ngam tarik?

2. b. Kūöyòh angū-ö nö tövai nö löknyö ṙô Filip nö vë-ekūö ngam tarik?

Asuh Öp Haköplö Hī In Filip?

2. Höng hòṅ sā ṙô vamë-ekūö holre in yěi vë-ekūö öp vahë-ekūö re. Ötkô öi höng ilöö ṙôtö ṙô Paipöl öi in ò. Yēḵ hī min ngatī inlahen ngaich öt vöö min ngam tarik nö vë-evkūö tö hī.

Sitih Inlahen Öi Min Asīnken Filip

3. Chumkūöṙen ngëichkö inlahen ngam vahë-ekūöre. Akahakūö in mihôiṅ tö inlahen öp tarik yē hī höng ngëichkö aṙëkūö ò hēk ngëichkö inlaha ò inrē. Hōḵ hòng ngam tarik nö vë-evkūö? Mihôiṅ öm ngö ṙô yěm hòṅ vënyö ṙô ngam Paipöl, “Akahalōn ömeh . . . ?” Un timlöng alaha ngam tarik yēḵ ò nö sōḵ nö hang.

4. Hamöiyöre. Um veutlōn öm hòṅ vënyö ṙô ngam Paipöl. Höktöre pöri tö öp tölöng ṙētak re öm vë-eny nang ò. Lohten min öm öt löknyu ṙô öm vë-eny ṙô ngam Paipöl im raneh van meh, im innët van meh pöri min lohten öm teūngen.

5. Mihôiṅ öm haṙīngö ngam ṙô re. Lohten min ngam vahë-ekūö meh nö ṙôtö nup ṙô nup tötrēhěn nö afēkö meh. Yěn ngatī ngaich hòṅ vë-eny nang ngam tarik më-eṅ tö nup ṙô ngam Paipöl nup tö yöölen tī min tö ò.