Ahangkö Yanīhih Ngam Tufömngöre Panam!

Kempēn min ayī-ö ip Nòvempör chingëṅt öi ahangkö yanīhih ngam tufömngöre panam. (Sal 37:10, 11; Inm 21:3-5) Mihôiṅ öm löktökūö ingih öm halēn ellōnre. Yěm hòṅ òksölörī painīör min ip hē e, mihôiṅ öm höng 30 hata höng löö 50 kanta kahëti tö ṙētak re.

Mihôiṅ man halēnkö öp töhěng miröökö vahënyö meh min yěm vë-ekūö tarik. Yěm meuk öp tarik nö yal nö hang ṙô meh im raneh van, mihôiṅ öm kētö vahë-ekūö ò tö ngam chöntā kē liyē Preheriturk öngk 2, 2021 ṙô Hintī. Ngaich ilööṙen öm havanröön re chöhken ò, ngaich kalah öm rultenre kēḵ istötī ò imat ngam prōsör, Mihôiṅ Man Örheūheu Ṙamlōn! Teūngen man min tö ṙanamlōn re öm pirātngö ngam “tölöök inhāṅnga aṅ i tölöök”!—Is 52:7.

NGËCHKÖM TINKÖÖKÖ VITIŌ PRÒTKASTING CHÖP TUNIYĀ HŌKI NÖYĪ, NGAICH SAPṘÔ NË INTÖÖNÖ:

• Asuh öp sanehkūö elmat ngam kun kikanö?

• Asuh nup lōn meh inkôlò meh min el öp tufömngöre panam?

• Asuh öp min yanöölen meh yěm asehkūöre tö minë inkôlò min taneūngen meh?—Lū 6:45