Yī-ö Ṙālö—Keuheūtnyö Ṙô Ellōn Re Yin Ikūö Më Yöngre

Kūö yòh öm hòṅ keuheūtnyö ṙô re in minā yöngre? (Inch 23:26) Pòn Yāvē tamölṙô cha nö chumkūöṙen tö meh halēnö meh inrē. (Sal 127:3, 4) Yēḵ meh pöri öm höng in re tī tö minë kanihngen re, ngaich öt heuveū-en min cha-a nö hayööken meh. Ngaich öt heuveū-en min më-eṅ öm sā cha nö la-al minë kanihngen re. Ōt pöri nup muh kanahngen meh öm hěng tak, tövaich hòng ngam inlahen meh yěm öt vë-eny nang nap yöngre tö u? Hö-ö. Uh pöri öm minyôiny ikūö cha, kūö re öm hòṅ hayuntö mat cha tö nup töhòṅ mikahkūö cha.—Inch 3:32.

Ihē ö mihôiṅ vë-ekūö minā yöng re? Katöllö öp tö vāi ṙētak re man. Yěm öt teūngen tö ṙētak re, ngaich mihôiṅ më-eṅ öm kuich chittri öm vënyö nup ṙô ellōn re. Yěn öt lōn meh öp kahakka cha ṙô nö in meh, ngaich hòṅ sitih inlahen më-eṅ? Köpölōn më-eṅ tö cha nö hòṅ hayööken meh. Hol meh cha-af rö-ö nö tö kunyah elmat tö meh. Yēḵ meh min öm irūöhen öm vë-ekūö minā yöngre—ngaich örheūheu min më-eṅ öm yöölen!—Inch 4:10-12.

NGËICHKÖM VITIŌ KANIHNGEN ṘĀL TARIK—SITIH ṘÔ ÖICH MIN VË-EKŪÖ MINA YÖNGRE? NGAICH SAPṘÔ NË INTÖÖNÖ:

• 

  Sitih inlahen nā Estör nö Pārtik nö fē-ělre töm vanaichöre?

• 

  Asūp haköplö hī in Yēsū?

• 

  Sitih tī aich mina yöng meh nö hameuktö chumkūöṙen re tö meh?

• 

  Asūp nup lökngörit chööngö aṅ mat ngam Paipöl nup mahayööken meh min öm vë-ekūö minā yöng re?