Mihôiṅ Man Haköpken Ngam Ṙanamlōn El Ngam Mikūönö

Lōnu Yāvē tö në mikūönö nö ṙamlōn. (Sal 127:3-5; Mu 9:9; 11:9) Hēṙu pöri nö kūönngöre ngam ṙanamlōn hī kūö në kanihngen ikūö ngih panam hēk mihôiṅ nö löktö i nup tövaich kahëken yip kūön hī. Yěn ngatī inlahen, ngaich hòṅ sitih inlahen ayī-ö hòṅ ngam ṙanamlōn ngam mikūönö hī nö köpsöreṙen?

Milēḵṙen ngam kikōnyö tö ngam pīhöre kikānö. (1Pī 3:7) Kētö ṙētakre anga-aṅ nö in ò. Nup töng kahëken ò la-en nö chö-önyö töm mikūönöre milēḵṙen anga-aṅ tö ò. (Kòl 3:15) Ha-öiny nup la-en ò anga-aṅ nö hameuktö ngam hanangenlōnre tö ò.—Inch 31:28, 31.

Hayööken ngam pīhöre kikōnyö ngam kikānö nö inup töng taṙòkhöre. (Inch 31:12) Milēḵṙen anga-aṅ tö ò hēk holren ò inrē. (Kòl 3:18) Holtö hanangenlōnre anga-aṅ yěn vë-ekūö ngam pīhöre. Ṙôtö nup tövai anga-aṅ inlahen ngam pīhöre yěn vë-ekūö yip holre.—Inch 31:26.

Kēnyö ṙētak re mina inyööngö nö in më kūönre. (Chö 6:6, 7) Vë-enyre cha-a nö hangenlōn tö cha. (Mët 3:17) Holtö hanangenlōn re hēk mikah elmat re cha-a nö halēnö më kūönre.—Efi 6:4.

Milēḵṙen më nyīö tö minā yöngre hang ṙô cha inrē. (Inch 23:22) Öt piyu-uṙô cha-a nö vë-eny ṙô ellōnre hēk mufē re nö in cha. Yěn halēnö cha minā inyööngö sön cha-a nö milēḵṙen tö cha. Hēk nup töng inlēnö cha hāngö u cha-a.—Inch 19:20.

NGËCHKÖ NGAM VITIŌ HAKÖPKEN NGAM ṘANAMLŌN EL NGAM MIKŪÖNÖ, NGAICH KĒTÖ SANAPṘÔ NË INTÖÖNÖ:

Sitih inlahen yip aṅ ngam mikūönö nö köptī tö ngam ṙanamlōn?