Haköplö Hī In Ngam Inlahen Samuěl

Chiplen ang Samuěl nö in minë töng kinë-ekūö re la-en i linökölōn Yāvē. Öt asīntö re anga-aṅ nö in nak kūön Ēli nā Hòfni nā Finehas nak tö la-evṙen tö nup töchōch. (1Sa 2:22-26) Köp ang Yāvē nö holṙen Samuěl ik sā sanīöpö ò. (1Sa 3:19) Söl kanöinyöre anga-aṅ nö löklōn Yāvē, pòrô nak kūön ò nö ṙāngen Yāvē.—1Sa 8:1-5.

Asuh öp haköplö hī in Samuěl? Yě meh öm tö āyal köpölōn më-eṅ tö Yāvē nö akahakūö tö meh öm la-al minë kanihngenre ngaich akahakūö inrē tö minë mufē meh. Ngaich kētö kumlēḵ meh min anga-aṅ. (Isa 41:10, 13) Yě meh öm inyöngö ngaich ṙāngen Yāvē yip kūön meh, ngaich haköpöre më-eṅ. Köpölōn më-eṅ tö Sanuěl nö öt tīmlö alaha yip kūönre. Höng ṙalen u anga-aṅ nö in Yāvē Ngaich chiplö nö löklōn Yāvē. In e anga-aṅ nö haṙamlōn Yāvē. Lohten min, nö meuk nup tövai tinrīken meh yip kūön meh ngaich havan min cha-a nö in Yāvē.

NGËICHKÖM VITIŌ HAKÖP HĪ IN CHA—SAMUĔL, NGAICH SAPṘÔ NË INTÖÖNÖ:

• 

  Sitih inlahen ang Samuěl nö löktö kūö nyinyīö re nö hameuktö ngam nganönöre?

• 

  Sitih inlahen ang Tënī nö hameuktö ngam nganönöre?

• 

  Sitih inlahen ang Samuěl nö söl kanöinyö re nö tövai nö inchōḵ kūö hī?

• 

  Sitih inlahen minā yöng Tënī nö tövai nö inchōḵ kūö?